miniatura|sinistra Volpièj (Volpeglino an italian) a l'é un comun dël Piemont ëd 142 abitant Sorgiss: ISTAT - Bilansi demogràfich al 01/01/2017 ., ant la provinsa ëd Lissandria.
As treuva s'ën brich an sla còsta ossidental ëd la bassa val dël torent Cròu, ant la region dij Còj Tortonèis ch'a fan part dël pre-Apenin lìgur-piemontèis.
Stòria A l'é nen ciair s'ël topònim ëd Volpièj a peula derivé da col ëd Volped o se a l'abia n'orìgin indipendent: as propend pì për costa sconda possibilità dal moment ch'ël pais a l'é nominà tanme Vulpidinus ant un registr ëd l'abassìa 'd San Colomban ëd Beubi ant l'àuta Età 'd Mès, quand ch'ël topònim ëd Volped a l'era nen ancora atestà. Dël sécol ch'a fa XII, Volpièj a l'é documentà antra ij borgh fortifià ch'a fasìo part dël feod ëd la famija Guidbòu. Aparten a la giurisdission ëd Torton-a ma as costituiss Lìbera Comun-a dël 1245. Dël Tërzent, ël Contà 'd Torton-a a finiss ant l'area d'influensa dël Ducà 'd Milan dij Viscont. Ai 9 ëd novèmber 1412 Flip Maria Viscont a conced an feod ël pais ëd Volpièj al tortonèis Perin Càmeri, General djë Stat Militar dl'Oltrapò, ch'a l'avìa servilo an guèra. D'apress a passerà torna an feod a la famija Guidbòu Cavalchin.
Dël Setsent ël pais, tanme tut ël Tortonèis, a passa sota la protession dël re Carl Emanuel III ëd Savòja. D'apress a la fin dla dominassion fransèisa dl'Imperi 'd Napoleon Bon-a-part, Volpièj a intra definitivament ant ël Regn ëd Sardëgna, ant la Divison (peui Provinsa) ëd Lissandria, ant la Provinsa (peui Sircondari) ëd Torton-a e ant ël Mandament ëd Vigseu. Dël 1928 ël comun ëd Volpièj a ven ancorporà a col ëd Volped ma a oten torna soa indipendensa aministrativa dël 1947.
Aministrassion El sìndich a l'é Giuseppe Brivio (da l'08/06/2009, scond mandà dal 26/05/2014; dagià sìndich dal 1990 al 2004).
Anliure esterne Sit istitussional
Arferiment
thumb|left|230px|La cesa parochial dij Sant Còsm e Damian
Volpiej