thumb|right|Gaudí, ant na fotografìa dël 1878 Antoni Gaudí (Riudoms, 25 ëd giugn dël 1852 – Barslon-a, 10 ëd giugn dël 1926)Bibliothèque nationale de France a l'é stàit ël pì grand architet catalan, amportant përchè prim esponent ëd col stil modernista che an Piemont soèns as ciama "liberty" e che a l'é caraterisà për soe vision fòle.
La vita Antoni Plàcid Guillem Gaudí i Cornet (cost sò nòm antregh), chërsù ant na famija d'artisan a l'ha pijà 'l diplòma dël 1878 a la Scòla d'architetura 'd Barslon-a, ma già anans a l'avìa travajà con ij pì brav architet ëd sò temp.
Ant ël midem ann a l'Esposission Universal a Paris, Gaudí a l'ha ancontrà l'andustrial Eusebi Güell y Bacigalupi, che da col moment a l'é stàit mecenà 'd soe euvre pì famose.
Dël 1884 a-j comando ij travaj ëd la basìlica dla Sagrada Familia, na construssion motobin antërtojà, che Gaudí a sarà nen bon a finì anans ëd soa mòrt, bele che a l'ha passà j'ùltim ani 'd soa vita andrinta 'l grand cantié dla basìlica.
Ai 7 ëd giugn dël 1926 a l'é stàit anvestì da 'n tranvaj e soa sembiansa da pòvr òm a l'ha gabà coj ch'a l'han portaje agiut che për lòn a l'han ëmnalo a l'ospidal ëd la Santa Cros, valadì n'ospissi për ij barbon fondà da jë sgnor ëd la Catalògna. A l'é mòrt ambelelì ai 10 ëd giugn. A sò funeraj a l'han partessipà 'd milen-e 'd përson-e, e da col moment ij barslonèis a l'han tacà a ciamelo "l'Architet ëd Nosgnor". A l'é sotrà ant la cripta dla Sagrada Familia. thumb|right|Sò proget pì arnomà: La Sagrada Familia
Soa euvra Squasi tute j'euvre dël magìster catalan a son gropà a la capital catalan-a, valadì a l'ùnica sità catalan-a e spagneula che antra ij sécoj ch'a fan XIX e XX, a l'abia avù 'n dësvlup andustrial.
Soa cariera a l'é caraterisà da 'd forme straordinarie, squasi fòle, realisà an mon, pera, siràmica, véder e fèr.
A podrìo esse stàit la fé religiosa 'd Gaudì e sò amor për ël neuv gòtich ad avèj-je ciamà contra 'd rimpròcc, ma miraco ij rimpròcc a peulo 'cò esse rivà për sò amor për la polìtica indipendentista catalan-a. An efet an coj ani ël govern ëd Madrid a vorìa oblighé Barslon-a a avèj un dësvlup ortogonal, d'acòrd con la polìtica fassista che a comandava tut an coj ani-lì. Nopà tuti j'architet catalan a l'han pijà n'àutra stra: a l'han sernù 'd dësvlupé n'architetura fàita 'd linie dë sbies ch'a-j andavo contra a la vision geométrica e rassionalistica ëd la sità. thumb|right|La ca Battló a Barslon-a Antra soe euvre pì amportante e famose as arcordo: Casa Vicens (1883-1888, Barslon-a) Ël Caprissi (1883-1885, Comillas) Palass Güell (1886-1888, Barslon-a) Colege Teresian (1888-1890, Barslon-a) Palass dël Vësco (1889-1893, Astorga) Ca Botines (1892, León) Cròte Guell (1895-1901, Garraf) Ca Calvet (1898-1900, Barslon-a) Bellesguard (1900, Barslon-a) Parch Güell (1900-1914, Barslon-a) Restaurassion ëd la Catedral ëd Palma 'd Majòrca (1904-1914, Palma ëd Majòrca) Ca Batlló (1904-1907, Barslon-a) Ca Milà (dita La Pedrera) (1906-1912, Barslon-a) Sagrada Familia (1883-1926, Barslon-a) soa ciadeuvra
Arferiment
Categorìa:Architet