thumb|right
Ël séder dl'Atlant: Cedrus atlantica Cedrus atlantica, conossù an piemontèis com séder dl'Atlant, a l'é na conìfera dla famija Pinaceae.
Descrission A l'é n'erbo ch'a peul rivé a 30-40 m d'autëssa (ecessionalment 50 m). La copa a l'é cònica quand a l'é giovo, peui piata. La scòrsa a l'é gris sombra, crepà. Le feuje a son a uja, longhe 1-2 cm, color verd bleu o verd ëscur (a scond ëd la varietà), an rosëtte an sle rame curte. Ij con-i mas-cc a son drit, brun giaunastr, longh 4-6 cm. Ij con feminin a son a bocc, drit, verd peui brun, dël diàmeter ëd 5-8 cm.
Distribussion A l'é originari dle montagne dël Maròch e dl'Algerìa (Atlànt, Rif, Aures). A l'é stàit introduvù an Euròpa, Amèrica e Australia com pianta ornamental. An Piemont as treuva ant ij parch e ij giardin, ma ëdcò an chèiche bòsch (për esempi ant le Langhe e la colin-a turinèisa).
Notissie A l'é resistent a la suitin-a e al frèid. A l'é dovrà për bòsch (mobilia, trav, cassie) e për la resin-a. La varietà "Glauca" (a feuje bleu) a l'é la pì coltivà. A peul vive fin a 1.000 agn. A l'é minassà ant sò habitat natural dal cambiament climàtich.
Arferiment bibliogràfich për chi a veul fé dj'arserche pì ancreuse
Cedrus atlantica (Endl.) G.Manetti ex Carrière, 1855
Categorìa:Botànica Categorìa:Cedrus