thumb|right thumb|right|320px
La garìtola: Cantharellus cibarius
Descrission Capel fin a 15 cm, da turbinà a ancreus, da giàun groson a òcra. Part drùa (imenòfor) a pséud-lamele forcà.
A l'ha color giàun pì o men lusent, che dle vire a smon dle nuanse portugal. Le lamele a son pitòst dle pséud-lamele, përchè a fan còrp ùnich con la carn dël bolè. A l'ha 'l capel iregolar e ondulà.
Ambient A nass da maj a novèmber an tuti ij bòsch, dzortut coj rich d'umidità. A seurt pì che tut apress ij temporaj o durant le pieuve longhe. As na treuvo a partìe ëd vàire un davzin a l'àutr o bele tacà dontré ansema; dle vire a son an fila o an sercc. Miraco a l'é pì ràir che na vòta.
Comestibilità
Mangiativ, bon.
Notissie Ël Balbis (1800, ai sò temp la denominassion sientìfica a l'era Agaricus cantharellus) ant soa grafìa a arpòrta 'l nòm "galitole", ch'a conferma 'l nòm atual garìtole.
Arferiment bibliogràfich për chi a veul fé dj'arserche pì ancreuse
Cantharellus cibarius (Fr. : Fr.) Fries
Categorìa:Garìtole Categorìa:Cantharellus