Matteo Giulio Bartoli, nassù a Albona (Croassia) ai 22 dë stèmber dël 1873, a l'é stàit un lenghista e glotòlogh dël Neuvsent. A l'é mòrt a Turin ai 23 ëd gené dël 1946.
Biografìa A l'era laureasse a l'Università 'd Vien-a. A l'ha mostràa l'Università 'd Turin dal 1908 fin a quand a l'é mòrt, dël 1946.
A l'ha colaborà a l'Atlant Lenghìstich Italian e a l'é stait magìster d'Antonio Gramsci.
Dël 1897 a l'era riussì a cheuje da la vos ëd l'ùltim parlant, Antonio Udina dit Tuone Udaina, j'ùltime testimonianse dla Lenga dalmàtica.
Euvre Das Dalmatische (1906) Introduzione alla neolinguistica (1925) Saggi di linguistica spaziale (1945) Breviario di neolinguistica (1925; scrivù an colaborassion con G. Bertoni) Alle porte orientali d'Italia. Dialetti e lingue nella Venezia Giulia (1945)
Categorìa:Lenghista Categorìa:Mèis gal-itàlich 2023