thumb|Vasca batesimal ëd Giroldo da Còm Giroldo da Còm (Giroldo di Jacopo da Como o Giroldo di Iacopo da Lugano, nassù dël 1225, mòrt dël 1295) a l'é stàit në scultor e architet italian.
Vita e euvre A l'era originari dla zòna dël Lagh ëd Còm (an Lombardìa), ma a l'é formasse e a l'ha travajà dzortut an Toscan-a, ant la second mità dël sécol ch'a fa XIII . Soe euvre sicure (firmà) a son tre: Un bassorilev ëd la Madona an tròno tra ij sant Pero e Paul (1262), a Montepiano (ancheuj al Musé dl'Ópera dël Dòm ëd Prato) . La vasche dël batésim (1267) ant ël Dòm ëd Massa Marìtima, con dle stòrie dla vita ëd Crist . Un bassorilev ëd Nonsiassion (1274) al Musé Diocesan d'Art Sacra ëd San Miniato .
Architetura A l'é atribuìje (ma nen sicur) ëdcò d'euvre architetòniche com la piev ëd San Gioann Batista a Montevoltraio, la fassada dël batésim ëd Volterra e ël portal dla gesia ëd San Michel a Volterra .
Stil Sò stil a l'é lontan da l'ambient artìstich lombard e as avzin-a a la scòla bisantin-a, a la scòla pisan-a prima ëd Nicola Pisano e al gòtich fransèis . Sò fieul Lapo a l'ha continuà sò travaj .
Categorìa:Scultor