Nardo Girardi (nassù a Almèis, an provinsa ëd Turin, dël 10 ëd giugn dël 1914, mòrt a Turin dël 26 dë stèmber dël 1991) a l'é stàit un pitor e decorator italian.
A l'é stàit un dij tre fondador dël grup artìstich "Decalage" ansema a Felix De Cavero e Attilio Aloisi, ativ a Turin da la metà dël Neuvsent për oltre trant'agn . Ël nòm "Decalage" a ven da le prime sìlabe dij cognòm De Cavero e Aloisi, con l'aget ël sufiss "age" për smijé a "collage" . Nardo Girardi a l'é giontasse apress .
Ël grup a l'ha creà d'euvre a ses man, andoa mincadun a portava soa sensibilità . A l'han arnovà na técnica special ëd pitura su bòsch, ch'a prevedìa l'impregnassion dël bòsch, e a l'han brevetà 'l "Rilevial" con l'agiut ëd un chìmich dla ditta "Duco" d'Avigliana . Soa art a l'é caraterisà da tre perìod ch'as antërso: un prim figurativ (1953-1969/70), un second figurativ romàntich (1966-1987), e un ters surealista (1961-1979) .
Sò fieul Gabriel Girardi (nassù dël 1938) a l'é dventà un dissegnator avosà, ancarià dël 1950 dë fé ël ritrat dla regin-a Elisabeta II d'Anghiltèra, conservà al Kensington Palace . Gabriel a l'é mòrt dël 2025 . D'àutri fieuj a son Ramon (resident an Australia), Leonardo (docent a l'Accademia Albertina) e Eliana .
Girardi, Nardo