Ator ëd teatro e ëd cine. Michel Duchaussoy a l'era nà a Valenciennes, ant ël Nòrd, ai 29 ëd novèmber 1938. Sò pare a l'era n'andustrial e Michel a l'avia ses frej e seur.
Tornà da la guèra d'Algerìa, a l'é anstalasse a Paris, an piassa San Sulpissi, e a l'ha frequentà ij cors dël conservatòri, dont a l'ha passà ël concors ëd surtìa ai 4 ëd luj 1964. A intra a la Comedia fransèisa, anté ch'a resta findi al 1984.
Michel Duchaussoy a l'é mòrt për n'arest cardìach ai 13 ëd mars 2012.
Ròj prinsipaj al teatro Ël prinsi Mychkine, ant L'idiot ëd Dostoevskij, butà an sena da chiel (1975) Cirylle, ant Une visite inopportune ëd Copi, butà an sena da Jorge Lavelli al Teatro nassional dla Colin-a (1988) Teramene, an Phèdre ëd Racine, butà an sena da Patrice Chéreau (2003)
Ël cine Duchaussoy a l'ha arsità an pì che stanta film, dzortut an dij ròj scondari. Vie privée, ëd Louis Malle (1961) Jeu de massacre, d'Alain Jessua (1967, soa arvelassion al cine) Bye bye Barbara, ëd Michel Deville (1968) Que la bête meure, ëd Claude Chabrol (1969) Ambelessì Duchaussoy a ampërson-a ël ròl prinsipal d'un pare ëd na masnà massà da na vitura, ch'a organisa soa arvangia e a armonta la pista dël safeur sassin. Fort Saganne, d'Alain Corneau (1984) La vie et rien d'autre, ëd Bertrand Tavernier (1989) La demoisselle d'honneur, ëd Claude Chabrol (2004) Astérix et Obélix : au service de Sa Majesté, ëd Laurent Tirard (anté ch'a fa Abraracourcix)
Duchaussoy, Michel Duchaussoy, Michel