thumb|right thumb|right
Un pissacan: l'Agrocybe praecox
Descrission Capel fin a 8 cm, plà, seuli, rugos o un pòch chërpà, da brun rosà a bes ciàir. Bòrd apendicolà. Lamele ciàire peui brunastre. Gamba àuta fin a 12 cm e larga fin a 1 cm, fibrosa-strià, dël midem color, con dle reisëtte al pé. Anel fràgil. Carn ciàira. Pissacan àut fin-a a 8 cm e con ël capel nen pì largh ëd 5 cm; capel pòch bombà, peui spianà, ëd ràir con n'umbon ariondà, bastansa carnos, seuli, color ëd la ninsòla a temp ùmid, color crema o café làit a temp sech. Gamba silìndrica, dlicà, da ampinìa a veuida, dle vire a siola, bianca sporca. Anel prima voltà vers l'àut e bianch, peui ridot a pòca ròba amplacà a la gamba e brunastra, a la fin drocà. Lamele spësse, dëstacà da la gamba, da biancastre a color tabach. Carn bastanza sòlida, bianca.
Odor e savor Odor ëd farin-a e savor amèr (che belavans as sent chèich second apress che a l'é tastasse ël pissacan).
Ambient A chërs ant ël sot-bòsch, ant ij senté. A chërs a magg (più ëd ràir an avril o an giugn e luj) ant ij pra, mach che a-i sio ëd j'erbo; comun ant ij parch ëd le sità; dle vire a partìe ëd vàire esemplar, dle vire isolà.
Possibilità ëd confusion Quand a l'é cita a peul smijé a la famiòla dl'arbra pin-a.
Comestibilità
A l'é nen comestìbil.
Arferiment bibliogràfich për chi a veul fé dj'arserche pì ancreuse Agrocybe praecox (Pers. : Fr.) Fayod [= Pholiota praecox (Pers. : Fr.) Kummer]
Categorìa:Agrocybe Categorìa:Pissacan