thumb|right|La fior
Artemisia mutellina Pianta erbosa ch'a viv sempe, àuta da 5 a 15 cm., argentà-lanosa, con gamba sempia e ram strissiant, o drit e ël pé an part lignificà. Le feuje a son bianch argent; le feuje basaj a l'han un curt atach. Ij boton a son formà da 10 o 15 fior giàun òr.
Le tre specie ëd genepì pi conossùe a son: Artemisia genipi, ciamà genepì mas-cc; Artemisia glacialis, ciamà genepì dij giassé; Artemisia mutellina (costa), ciamà genepì bianch o genepì fumela.
Ambient Pianta caraterìstica dle region alpin-e, a chërs a autësse comprèise tra 1500 e 3000 méter.
Proprietà As dòvra la piantin-a fiorìa (a l'inissi dla fioridura) e fàita sëcché a l'ombra e a l'aria. Proprietà tòniche e antispasmòdiche.
Cusin-a L'Artemisia mutellina l'é, d'apress ëd l'Artemisia genipi, ël genepì pi bon për la preparassion ëd licor e tisan-e. Le proprietà amportante për ij genepì a son ij prinsipi amer, ch'a son sfrutà për fé aperitiv e digestiv. A peul ëdcò esse dovrà për curé le maladìe dla respirassion.
Arferiment bibliogràfich për chi a veul fé dj'arserche pì ancreuse Artemisia mutellina Lambert, 1783
Categorìa:Erbe aromàtiche Categorìa:Artemisia