650px|center
Bressia (Brescia an italian, Brèsa p Bressa an dialèt bressan) a l'é na sità dla Lombardìa ëd 196.670 abitant Sorgiss: ISTAT - Bilansi demogràfich al 01/01/2017 ., capleugh ëd l'omònima provincia. Ël comun a l'ha na surfassa d' 89,78 km2 e a l'é a n'autëssa ëd 149 méter.
Geografìa thumb|right|300px|Piassa dla Lògia Bressia a l'é piassà arlongh l'ass ëd comunicassion Milan-Venessia e as treuva ai pé dle Prealp e al confin superior dla pian-a lombarda.
Urbanìstica Sò dësvlup urban, caraterisà da anstalassion abitative a andustriaj recente, a l'é realisasse an diression dla pian-a, dzortut vers sud. Ël sènter sitadin, ëd forma quadrà, dësvlupasse storicaman ai pé dël còl Cidneo, anté ch'a-i é ël castel, ma motobin modificà durant ël fassism, a l'é restà dës-centrà rëspet a la sità dël di d'ancheuj.. Ël pi gran dësvlup ëd la sità a l'é pitòst recent. An efet, dël 1861 la sità a l'avìa 38.500 abitant, e 69.000 a l'ancamin dël sécol ch'a fa XX (ch'a l'era ël livel ëd popolassion dj'achit dël Sinchsent); ël gròss dël dësvlup demogràfich a l'é rivà apress la sconda guèra mondial: 142.000 abitant ant ël 1951, 173.000 dël 1961, 210.000 ant ël 1971.
Conomìa thumb|right|300px|Ël dòm vej e 'l dòm neuv La bon-a posission an rapòrt a le stra ëd comunicassion a l'é a l'adoss dël dësvlup econòmich fondà an sjë scambi comersiaj (gropà sia a l'agricoltura dj'anviron, dzortut dla pian-a anté ch'a l'é spantià l'anlevament ëd le bes-ce, che a la produssion andustrial), an sël torism (cissà da l'esse vzin-a al lagh ëd Garda e a l'amboch d'amportante combe alpin-e, riche dë stassion dë spòrt invernaj e d'aque) e an sj'atività andustriaj.
Aministrassion Ël sìndich a l'é Emilio Del Bono (dal 12/06/2013).
Sità gemelà Bressia a l'é gemelà con: border|20px Darmstadt, Almagna border|20px Kaunas, Lituania border|20px Logroño, Spagna border|20px Shenzhen, Cin-a border|20px Toluca, Méssich border|20px Troyes, Fransa
Anliure esterne Sit istitussional
Arferiment
thumb|left|300px|Ël castel ëd neuit
Categorìa:Comun dla provincia ëd Bressia Categorìa:Capleugh ëd provincia italian