thumb|right|N'àutr mas-cc thumb|right|Mas-cc e fomela (la fomela pì sota)
Anas crecca Descrission L'Anas crecca (ania cita) a l'é 'l pì cit dj'anie servaj d'Euròpa . A l'ha na longhëssa ëd 34-38 cm, n'aliura ëd 53-59 cm e a peisa an tra 270 e 400 g . Ël mas-cc a l'ha 'n piumagi motobin caraterìstich: la testa a l'é 'd color castan ross con na larga banda verd metallisà a forma 'd lunëtta, ch'a va da l'euj fin-a al cupiss e ch'a l'é bordà da na fin-a linia bianca . Ël pét a l'é crema con dë strìe scure, ij fianch a son gris finement vermicolà, e sota la coa a l'ha na macia giauna bin evident . L'ala a l'ha në specc verd metalisà. La fumela a l'é 'd color brun macià e strià, motobin smijanta a la fumela dl'ania servaja ma pì cita . Ij giovo a smijo a le fumele .
Ambient A viv ant le zòne ùmide d'eva dossa, com lagh, stagn, risere, e d'invern ëdcò ant j'estuari e le lagun-e costiere . A l'é na specie gregaria, ch'a forma dë strop, soens gròss, dzortut durant la migrassion e l'invern . A mangia dzortut smens ëd piante aquàtiche e cit invertebrà .
Distribussion A l'é na specie migratris con n'areal motobin largh. A nidìfica an tuta l'Euròpa e l'Asia setentrional, da l'Islanda a la Kamchatca . A passa l'invern ant l'Euròpa meridional, l'Àfrica dël Nòrd e l'Asia meridional . An Italia a l'é n'invernant comun e a nidìfica con na pcita popolassion (20-50 cobie) ant la Pian-a Padan-a e ant quàich àutra zòna . La popolassion nidificant an Italia a l'é considerà an perìcol (EN) për soa rarità, mentre la specie a livel global a l'é "Arzigh Mìnim" (LC) .
Arferiment bibliogràfich për chi a veul fé dj'arserche pì ancreuse
Anas crecca L., 1758
Categorìa:Anas Categorìa:Anie