thumb|right thumb|right
Falco biarmicus Descrission Ël Falco biarmicus (farcon) a l'é un gròss rapinant ëd la famija dij Falconidae, ëd dimension mesan-e për ël géner, longh 43-50 cm, con n'aliura ëd 95-115 cm e un pèis ëd 500-900 g (le fumele a son pì gròsse). La part superior a l'é gris perla o gris brun (le sot-specie african-e a son pì ciàire), la part inferior a l'é biancastra con dë strìe brun-e o nèire. La caraterìstica pì vistosa a l'é la testa rossastra (la "calòta" color camoss) e la macìa nèira sota j'euj (i "barbis"). Ij doi sess a son smijant, ma la fumela a l'é pì gròssa e 'd color pì sombr. Ij giovo a l'han na livrea pì brun-a e a smijo al farcon sacher (Falco cherrug). Sò crij a l'é un "kak-kak-kak" raucc e repetitiv .
Ambient A viv ant ij teren duvert e stëplà, ij desert, le savan-e, ij pra e le colin-e con rochere, dal livel dël mar fin a 5.000 méter. A l'é na specie resident (le popolassion dël nòrd a peulo fé 'd moviment stagionaj) . A l'é 'n cassador àgil e svicio, ch'a cassa dzortut an vol orisontal o an picà curte, soens an cobia . As nuriss ëd cit osej (colomb, quaje, cornajass), ma 'dcò 'd rat, levr, ratavolòire, laserde e gròss inset. A fà 'l nil an sle ròche a strapiomb o ant ij nil vej d'àutri gròss osej, e a duverta 3-4 euv .
Distribussion A l'é spantià an Àfrica, ant l'Euròpa sud-oriental e ant l'Asia sud-ossidental. A son arconossùe sinch sot-specie. La sot-specie europea (F. b. feldeggii) a nidìfica an Italia, Sicilia, Balcan e Turchìa. An Italia a l'é ràira e localisà, con na popolassion stimà d'apopré 400-1.000 cobie, an declin. A l'é protegiù da la Diretiva Osèj (Anes I) e da la Convenssion ëd Berna. A livel global a l'é classificà "Arzigh Minim" (LC) da l'IUCN.
Arferiment bibliogràfich për chi a veul fé dj'arserche pì ancreuse
Falco biarmicus Temminck, 1825
Categorìa:Falco Categorìa:Falcon