Ël gaj: Garrulus glandarius Descrission Ël Garrulus glandarius (gaj) a l'é n'osel passeriform ëd la famija dij Corvidae, arconossìbil për sò piumagi colorà e për sò comportament ciaramlos. A l'é longh 32-36 cm, con n'aliura ëd 52-58 cm e a peisa 140-190 g. Le part superior (schin-a e ale) a son d'un brun reusa o gris, la part inferior a l'é bianca e la coa a l'é nèira. La caraterìstica pì vistosa a l'é la macìa bleu cel an sj'ale, con dle righe nèire, e le bachette mustass nèire an sle ciafele. Ël ciuff an sla testa a l'é strià 'd nèir e a l'é dëstacà quand l'osel a l'é an emossion. Ij giovo a l'han la macìa bleu pì cita e la testa pì ciàira. Sò crij a l'é un raucc "kraak" e a l'é n'imitator ëd vers d'àutri osej.
Ambient A viv ant ij bòsch (tant ëd latifeuje che 'd conìfere), ant ij parch e ant ij giardin, fin-a a 1.500 méter. A l'é sedentari . A fà 'l nil an sj'erbo e a duverta 4-7 euv. A mangia 'd tut: smens, gale, fruta, inset, verm, euv e cit d'àutri osej, e a l'é atirà da le giande (glandarius). D'otonn, a fà dle scòrte 'd giande stërmàndje ant la tèra.
Distribussion A l'é spantià an tuta l'Euròpa, l'Àfrica dël Nòrd e l'Asia fin-a al Giapon e a la Cin-a. A son arconossùe 33 sot-specie. An Italia a l'é present an tuta la penìsola, an Sicilia e an Sardëgna, con na popolassion stimà d'apopré 400.000-1.000.000 ëd cobie. A l'é classificà "Arzigh Minim" (LC) da l'IUCN.
Arferiment bibliogràfich për chi a veul fé dj'arserche pì ancreuse
Garrulus glandarius Linnaeus, 1758
Categorìa:Garrulus Categorìa:Ghé