Madrid a l’é la capital dël Regn dë Spagna e dla Comunità autònoma 'd Madrid.
A l’é la sità pì granda dla Spagna për popolassion, con 3.332.000 abitant (2024) e anviron 6,8 milion s'as conta tuta l'àrea metropolitan-a (la tersa dl'Union Europenga apress Paris e Berlin). As treuva ant la part sentral dla penìsola Ibérica, an sël fium Manzanarre, a 650 méter d'autëssa, e a l'é un-a dle capital pì àute d'Euròpa.
Stòria La sità a l'é stàita fondà dël sécol IX da l'emir Muhammad I ëd Còrdova 'me fortëssa (Mayrit). Dël 1083 a l'é stàita conquistà dal re Alfons VI ëd Castija. Dël 1561, Filipp II a l'ha tramudà la cort da Toledo a Madrid, ch'a l'é dventà capital dl'imperi. Da antlora, a l'é chërsùa e a l'ha dësvlupà sò patrimòni artìstich e monumental, dzortut ant ël sécol XVIII con ij Borbon e ant l'Eutsent.
Monument pi amportant thumb|right|200px|Palass Real Palass Real (Palacio Real de Madrid): residensa ofissial dij re dë Spagna, un dij pì grand d'Euròpa. Templo de Debod: templ egissi antich (sécol II a.C.) donà da l'Egit a la Spagna. Catedral dl'Almudena: catedral neuva (consacrà dël 1993). Cesa ëd San Francisco el Grande: basìlica dël Setsent con na cùpola tra le pì grande dla cristianità. Cesa ëd San Jerónimo el Real Fuente de Cibeles: fontan-a e sìmbol ëd la sità. Fuente de Neptuno Puerta de Alcalá: antìca pòrta dël Setsent. Puerta de Toledo Fábrica de Tabacos El Pardo: palass real e sit d'istat. Teatro Real: teatro dl'òpera. Banco de España Pont ëd Toledo e Pont ëd Segovia: pont baròch.
Musé thumb|200px|Ël Musé dël Prado Musé dël Prado: un dij pì important musé d'art dël mond, con euvre 'd Velázquez, Goya, El Greco, Rubens e Tician. Musé Thyssen-Bornemisza: arte dal sécol XIII al XX. Museo Nacional Centro de Arte Reina Sofía: art modern e contemporani, con ël quader "Guernica" ëd Pablo Picasso. Museo Arqueológico Nacional Museo de América Museo Naval Real Academia de Bellas Artes de San Fernando
Educassion Madrid a l'é 'n gròss sènter universitari, con 6 università pùbliche e privà. Le pì amportante a son l'Università Complutense (un-a dle pì veje dël mond, fondà dël 1293) e l'Università Autònoma.
Economìa e servissi Madrid a l'é 'l prim sènter econòmich e finansiari dla Spagna, con sede dle pì grande amprèise nassionaj (Telefónica, Iberia, Banco Santander, BBVA, Repsol) e dle multinassionaj. A l'é 'n gròss sènter ëd comersi, congress e turism. Sò aeropòrt Adolfo Suárez Madrid-Barajas a l'é 'l sest d'Euròpa për tràfich.
Aministrassion Ël sìndich a l'é José Luis Martínez-Almeida (PP), an càrica dal 2019. La Comunità ëd Madrid a l'é guidà da Isabel Díaz Ayuso (PP). La sità a l'é spartìa an 21 distret.
Sità binele Madrid l’é binelà con: 20px Asunción, Paraguaj 20px Berlin, Gërmania 20px Bùdapest, Ungherìa 20px Bogotà, Colombia border|20px Bordò, Fransa 20px Brussel, Belgi 20px Buenos Aires, Argentin-a 20px Caràcas, Venessuela 20px Sità ëd Guatemala, Guatemala 20px L'Avan-a, Cuba 20px La Paz, Bolivia border|20px Lima, Perù 20px Lisbon-a, Portugal 20px Managua, Nicaragua 20px Manila, Filipin-e 20px Sità dël Méssich, Méssich 20px Miami, Stat Unì d'América 20px Montevideo, Uruguaj border|20px Mosca, Russia 20px New York, Stat Unì d'América 20px Nouakchott, Mauritania border|20px Sità ëd Panamà, Panamà border|20px Paris, Fransa 20px Pechin, Cin-a border|20px Praga, Repùblica Ceca 20px Quito, Equador 20px Rabat, Maròch 20px Rio de Janeiro, Brasil border|20px Roma, Italia border|20px San José, Costa Rica 20px San Juan, Porto Rico border|20px San Salvador, Ël Salvador border|20px Santiago dël Cile, Cile 20px Santo Domingo, Repùblica Duminican-a Tegucigalpa, Honduras border|20px Varsavia, Polònia
Anliure esterne
Sit istitussional