+ Mot:In varietate concordia
L'Union Europenga (UE) a l'é n'union dzoranassional e antragoernativa ëd 27 ëstat. A l'é stàita creà dël 1992 dal Tratà ansima a l'Union Europenga (Tratà ëd Maastricht), e a tuti j'efet a resta ël sucessor dla Comun-a Econòmica Europenga ch'a l'era stàita fondà antra ses mèmber dël 1957. Da 'nt ël moment ëd soa fondassion vàire slargament a l'han fàit monté ël nùmer ëd sò stat mèmber, e ant l'istess temp a l'han slargane le competense. La UE a l'é an camin ch'a men-a un process d'antëgrassion europenga dont la fin e le limitassion a son nen definìe.
La UE a l'é un-a dj'entità econòmiche e polìtiche pì gròsse dël mond, con sò 501,1 milion ëd përson-e (2010) e un PIB combinà ëd €11,6 trilion (US$14,5) ant ël 2006. L'Union a resta un mërcà ùnich con na polìtica ëd comerse comun-a, na Polìtica Comun-a tant për la campagna che për la pësca, e na polìtica regional për dësvlupé j'àree malbutà. A l'ha adotà na moneda ùnica, l'euro, ch'a l'é dovrà da 13 ëstat mèmber. La UE a l'ha ancaminà na Polìtica Strangera e ëd Sigurëssa Comun-a ancheuj assè limità, e na Cooperassion ëd Polissìa e d'Afé Giudissiari che për adess a l'é ëdcò limità.
L'Union Europenga a l'é formà da 27 ëstat dl'Euròpa: Almagna Àustria Belgi Bulgarìa Cipro Croassia Danimarca Estònia Finlandia Fransa Grecia Irlanda Italia Letònia Lituania Lussemborgh Malta Ungherìa Pais Bass Polònia Portugal Repùblica Ceca Romanìa Slovachia Slovenia Spagna Svessia La speransa ëd vita dij sò abitant a l'é dë 79 agn.
Organisassion La presidensa dl'Union Europenga a vira minca ses mèis antra ij govern ëd jë stat mèmber. Dal 1m ëd luj 2013 la pressidensa a l'é tnùa da la Lituania.
Ël president dël parlament europengh a l'é David Sassoli (dal 2019). Ël president ëd la comission a l'é Ursula von der Leyen (dal 2019).
Lenghe L'Union Europenga a l'ha vintetré lenghe ofissiaj; le lenghe ëd travaj dovrà dai fonsionari dla comission e dël consèj a son tre: l'anglèis, ël fransèis e l'alman.
Coltura L'Union Europenga a conta tërzent sit classificà al patrimòni dl'UNESCO.
Conomìa Dël 2012 l'1,96% dël prodot anterior ëspòrch a l'é stàit dedicà a l'arserca e al dësvlup. Anliure esterne
Categorìa:Union europenga