thumb|right thumb|Syrrhaptes paradoxus
Syrrhaptes paradoxus Descrission Ël Syrrhaptes paradoxus (pita dle stëppe) a l'é n'osel ëd la famija dij Pteroclidae, con na longhëssa ëd 30-41 cm e un pèis ëd 200-300 g . A l'ha na testa e 'l còl cit, un còrp robust e ale longhe e pontùe . Le gambe e ij dij dij pé a son quatà ëd piume e, an costi, a manca ël dil daré, e ij tre dil dëdnans a son fondù ansema, an dasendje l'aspet d'un sòch pi che 'd na piòta d'osél . Ël mas-cc a l'ha la testa e 'l pét gris, la facia arancion, e na banda grisa an sël pét; la part superior a l'é giàuna sabia con dle linee nèire, e la part inferior a l'ha na macia nèira an sla pansa e 'l sota-ale bianch . La fumela a l'ha 'n piumagi pì smòrt, sensa la banda grisa an sël pét, ma con pì striadure an sle part superior .
Ambient A viv ant le stëppe e ij semi-desert sech, con vegetassion bassa d'erba o busson, e ant ij teren argilos, sabios o giàiros . As treuva an zòne pian-e, colinose e ant le valade 'd montagna, an tra 1.300 e 3.250 méter d'autëssa . A mangia dzortut smens e 'dcò 'd gëmme vërde. A l'é un gran beividor e a fà 'd volàde fin a 121 km al di për rivé a brovesse, a la primalba e al tramont . Ël nil a l'é ant na depression dël teren, e la fumela a duverta 2-3 euv .
Distribussion A nidìfica an Asia sentral, an Kazakistan, Mongòlia, Cin-a nòrd-ossidental e Siberia . A l'é un migrator parsial e a l'é famos për dle migrassion iregolar (irussion) fin-a a l'Euròpa ossidental (Gran Brëtagna, Irlanda, Fransa, Italia), dzortut ant ij sécoj XIX e XX . An Italia a l'é 'n visitator ràir . La popolassion mondial a l'é nen conossùa, ma a l'é considerà stàbil e a l'é classificà "Arzigh Mìnim" (LC) da l'IUCN .
Arferiment bibliogràfich për chi a veul fé dj'arserche pì ancreuse
Syrrhaptes paradoxus Pallas, 1773
Categorìa:Syrrhaptes