Macroglossum stellatarum Macroglossum stellatarum, (an italian, sfinge del galio o macroglossa), a l'é un lepidòter (farfala) dla famija Sphingidae, arnomà për sò volé ràpid e për la capacità 'd sostnì ël vòl dë 'dnans a le fior, com ij colibrì. Soe ale a bato talment lest da sborgnì e da smijé a n'àngel (a l'é la farfala pì lesta d'Euròpa).
Ambient La ruva a viv dzortut an dzora a Galium (Galium verum, Galium mollugo, e d'àutre specie), ma ëdcò an dzora a d'àutre rubiacee. La farfala adulta a vòla an tùit ij meis ëd l'ann, përchè a peul passé l'invern ant lë stat d'adult (an riparandse ant le balme o ij sotpass), o ant lë stat ëd crisàlide, o ëd ruva.
Distribussion A viv ant tuta Italia e a l'é la pì comun-a dle Sphingidae. An Piemont a l'é motobin comun-a, e a peul osservesse da la pian-a fin-a a j'Alp (fin a 1.800 méter). A l'é ëdcò motobin spantià ant tuta l'Euròpa, l'Àfrica setentrional e l'Asia (fin-a al Giapon). La farfala a migra an sens nòrd-sud (a l'é un migrant regolar).
Arferiment bibliogràfich për chi a veul fé dj'arserche pì ancreuse Macroglossum stellatarum L.
Categorìa:Macroglossum