thumb|right|200px|Henri Cochet (a drita) con Jacques Brugnon a Wimbledon (1930) Henri Jean Cochet a l'era nassù a Villeurbanne ai 14 dë dzèmber dël 1901 e a l'é mòrt a Saint-Germaine-en-Laye ël 1m d'april dël 1987. A l'é stàit un tenista fransèis, ruvà al massim lìvel ëd cost spòrt a la fin ëd j'ani '20 e ant l'achit ëd j'ani '30 ansema a Lacoste, Brugnon e Borotra.
Cochet a l'ha vagnà set Gran Ëslam ant ël singolar. A l'é stàit prim ant ël ranking mondial masculin për tre ani 'd fila dal 1928 al 1930. Sò pare a travajava coma consergi ant ël club ëd tenis ëd Lion (Tenis Lyon) e për lòn già da giovo Cochet a l'ha avù la manera 'd conòsse ij segret dël gieugh. Ant l'achit ëd soa cariera a podìa pa dedichesse dël tut al tenis, ma a l'avìa da andé a travajé ant na sedarìa. Antramentre che a fasìa 'l servissi militar a l'ha avù la possibilità d'antrenesse dabon për la prima vira e parèj a l'é sùbit ruvà ai prim pòst dël tenis fransèis. Mersì al nòm che a l'era fasse a l'ha dovert na botega ëd ròba sportiva.
Dël 1927 al'ha vagnà la Copa Davis ansema a Lacoste, Borotra e Brugnon. Tra 'l 1928 e 'l 1933 a l'ha perdù mach un match an sij des che a l'ha giugà al Roland Garros.
Record ant ël Grand Ëslam
Open ëd Fransa Campion ant ël singol: 1922, 1926, 1928, 1930, 1932 Finalista ant ël singol: 1933 Campion dël dobi: 1927, 1930, 1932 (sëmper con Brugnon) Finalista ant ël dobi: 1925 Campion ant ël dobi mist: 1928, 1929 (sëmper con Bennett Finalista ant ël dobi mist: 1930
Torneo ëd Wimbledon Campion ant ël singol: 1927, 1929 Finalista ant ël singol: 1928 > Campion ant ël dobi: 1926, 1928 (con Brugnon) Finalista ant ël dobi: 1927, 1931
US Open Campion ant ël singol: 1928 Finalista ant ël singol 1932 Campion ant ël dobi mist: 1927 (con Bennett)
Cochet, Henri