Thymelicus action Descrission La Thymelicus acteon a l'é na cita farfala dla famija dj'Hesperiidae, un-a dle pì cite d'Euròpa. La duvertura dj'ale a l'é ëd 22–28 mm, con le fumele ch'a son pì gròsse dij mas-cc . La part superior dj'ale anterior a l'é 'd color arancion brun, squasi tuta velà dë scur. Le fumele a l'han un sercc ëd macie giaun-aranci (ciamà "disegn a ragg ëd sol") an sj'ale anterior, ch'a-j rend arconossìbij. Ij mas-cc a l'han na linia androconial longa e sutila an sle mideme ale. La part inferior dj'ale a l'é 'n color arancion pì uniform. L'apendiss dl'antenna a l'ha la part sota 'd color arancion, caràter ch'a lo diferensia da d'àutre specie dël géner Thymelicus . La testa a l'ha 'd barbis bianch e l'anghicio frontal arancion.
Ambient A viv an sle colin-e erbose e assolà, ij pra sech, le raisure dij bòsch e ij teren sabios, dal livel dël mar fin a 1.600 méter . A l'ha na sola generassion a l'ann (univoltin-a). Le farfale a volo da magg a luj (a sconda dla latitùdin e dl'autëssa) . La ruva (larva) a l'é vërda ciàira con na linia scura, e a viv an sle graminacee (géner Brachypodium, Triticum, Calamagrostis, Poa) . A passa l'invern ant un nil ëd seda, e a chërs mach la prima d'apress.
Distribussion A l'é spantià an Euròpa sentral e meridional, ant l'Àfrica dël Nòrd, an Asia Minor e a le Ìsole Canarie . An Italia a l'é presenta an tute le region, gavà la Sardëgna . A l'é pì comun-a an sla penìsola e an Sicilia, e a l'é ràira ant ël nòrd-est . A l'é classificà "Arzigh Mìnim" (LC) da l'IUCN .
Arferiment bibliogràfich për chi a veul fé dj'arserche pì ancreuse
Thymelicus acteon Rott.
Categorìa:Thymelicus