Polyporus tuberaster Polyporus tuberaster a l'é un fonz basidiomicet dla famija Polyporaceae.
Descrission Ël capel a l'é a forma d'ambossor, dël diàmeter ëd 5-15 cm, con la surfassa brun giaunastra, quatà da squame cite. La part inferior a l'é formà da pòr bianch peui crema, angolos. Ël gamb a l'é central o lateral, curt, dël color dël capel. La carn a l'é bianca, coriassùa. Le spore a son silìndriche, bianche, e a mzuro 10-14 × 3-5 μm.
Ambient A chërs an partend da në scleròssi neirastr ch'a peul peisé pì che 15 kg, sot tèra o an surfassa. A l'é coltivà fin dal temp dij Roman, ch'a lo coltivavo për fé chërse ij carpòfor an sjë scleròssi tramudà. A chërs dzora a latifeuje, dzortut rol e fò, da la prima a l'otonn.
Comestibilità
Comestìbil, bon.
Arferiment bibliogràfich për chi a veul fé dj'arserche pì ancreuse
Polyporus tuberaster (Jacq. ex Pers.) Fr.
Categorìa:Polyporus