Descrission Erbo aut fin a 15 - 25 méter. Bion drit con còma piramidal. Scòrsa ross brun-a ch'as dësfeuja orisontalment. Gëmme terminaj ovaj, avusse, ross brun-e, pla. Feuje auterne, pla, mòle, dentà, con picol. Fior bianche, a massolin. Ij frut a meuvro da magg a giugn, 1 cm riond, doss, ross, motobin arsercà da j'osej.
Distribussion A chërs ant ij bòsch, dal livel dël mar a 1.500 méter, a fioriss da avril a magg, prima chìa sponto le feuje.
Notissie Ant la meisin-a tradissional piemontèisa as dovrava 'l frut për càlcoj ëd vëssìa, nefrite, artrite, reumatism. A l'ha n'assion purgativa e diurética.
Ij frut as mangio cru o cheuit, e as peulo dovresse për fé torte, marmlade, geladine, etc.
Ël bòsch a l'é bianch rosà, lùcid e elàstich, a l'é presià pëf fé 'd mòbij massiss e liste da paviment. A l'é 'dcò bon da brusé.
Arferiment bibliogràfich për chi a veul fé dj'arserche pì ancreuse Prunus avium (L.) L. 1755
Categorìa:Botànica Categorìa:Prunus