thumb|right|200px|Luigi Lavazza Luigi Lavazza a l'era nassù a Ambrusengh ai 24 d'avril dël 1859 e a l'é mòrt-ie ai 16 d'aost dël 1949.
A l'é stàit ël fondator ëd l'asienda che ancora al di d'ancheuj a l'ha sò nòm, la Lavazza, nàita aj 24 ëd mars dël 1894 an partend da na veja fondicarìa ant ël cheur ëd Turin. Për la neuva asienda j'afé a son andàit bin squasi sùbit mersì al fàit che ant la Lavazza a mës-ciavo vàire tipo 'd café sense vende nomach na qualità coma a fasìo le àutre torefassion.
Già dël 1927 la Lavazza a l'é dventà na società për assion con un capital d' 1.500.000 lire.
Luigi Lavazza a l'ha avù sinch fieuj, Mario, Beppe, Maria, Ginetta e Pericle, che a l'han seguità l'atività dël pare fin dal 1936, quand Luigi Lavazza a l'é artirasse al pais anté che a l'era nassù.
Lavazza, Giuseppe