thumb|right|200px|Roberto d'Azeglio Robert Taparelli, marchèis d'Asèj e 'd Montanera, cont ëd Cortandon e 'd Genola, a l'era nà a Turin ai 24 ëd luj dël 1790, prim nà ant la famija, frel pì vej ëd Màssim, e a l'é mòrt a Turin ai 23 dë dzèmber dël 1862.
A l'avìa studià a l'academia militar e a l'era agiutant ëd camp dël prinsi ëd Carignan (ël futur re Carl Albert). Dël 1821 a l'ha aderì ai moviment arvolussionari, ma a l'é nen ëstàit amplicà ant ël process polìtich contra Giacinto Collegno e j'àutri, an scapand ëd neuit da Turin con soa fomna Costansa e sò fieul Emanuel. Traversà la Savòja e la Svìssera a l'é rivà a Paris, andoa a l'é restà fin-a al 1826, ospità da sò msé Carl Emanuel Alfé ëd Sostegn, ambassador dël Regn ëd Sardëgna. Dël 1826 a l'é stàit torna ciamà an patria da Carl Albert. Dël 1848 a l'é stàit nominà senator. Dl'avril 1862 a l'é restà vidov.
Euvre prinsipaj La Reale Galleria di Torino (4 volum) Studi storici e archeologici sulle arti del disegno Notizie storiche e biografiche su alcune opere oltramontane del museo di Torino Ritratti di uomini illustri dipinti da illustri artisti
Asej, Robert d'