Biografìa Mario Leoni a l'é lë stranòm literari ëd Giacomo Albertini.
A l'é stàit poeta e scritor an lenga piemontèisa, dzortut ëd drama e comedie che a arpresento na sòrt ëd teatro sossial, ispirà 'd fasson direta a la vita ëd tuti ij di dla pòvra gent.
Nassù a Turin ij 2 d'ost dël 1847 e mòrt ambelelì ij 2 ëd maj dël 1931, Leoni a vnisìa da na famija pòvra. A l'avìa ancaminà a travajé coma comess ant un negòssi dë stòfe a Pòrta Palass e a l'é peui butasse për sò cont coma comersant, padron d'un dij prinsipaj negòssi ëd vestiari dla sità.
A l'é stàit ëdcò consijé e assessor comunal a l'anstrussion pùblica a Turin e diputà liberal.
Euvre prinsipaj Ël bibi (1877, an quatr at) An nòm dla lege (drama an quatr at) Cheich batùe dl'euvra : LASAGNA. A 'l l'ha lì an sla cadrega. A l'é mach ancalorà. BARBANÈIRA. Epura a bèivo gnanca! LASAGNA. A l'avèiss-lo nen bèivù gnanca prima! Ij mal nutrì (1883) La bela Gigogin La fija dël bòrgno L' Saut dla bela Auda (pròsa ëd caràter ëstòrich) Ij bancarotié Luisa d'Ast (at ùnich, an endecassìlab) Ij Baraba Le prime viòle (at ùnich)
Arferiment bibliogràfich për chi a veul fé dj'arserche pì ancreuse Gianrenzo P. Clivio - Profilo di storia della letteratura in piemontese
Leoni, Mario Leoni, Mario Leoni, Mario Leoni, Mario