Ël pioj e la purz a l'é na canson grignòira. A l'é la version roerin-a dla canson Ël poj e la pùles. A parla 'd costi doi amis, un pioj e na purz, che, pen-a partì për na festa (o për Roma), a treuvo sùbit na gròssa dificoltà: sauté 'n fossà. La purz ch'a l'è pì lesta a lo sàuta, ma 'l pioj a-i la fa nen e as fa mal. Alora la purz a va a ciamé prima 'l médich e peu, vist ch'a-i è pì nen da fé, ël prèive. La sconda version a l'é cola ch'as treuva 'ns ël lìber Canti popolari del Piemonte 'd Costantino Nigra antitolà Pidocchio e pulce.
Test
Ël pioj e la purz an festa veulo ‘ndé, garibà ël pioj e la purz an festa veulo ‘ndé garibà, cin cin, garibin, compari garibà an festa veulo ‘ndé, an festa veulo ‘ndé.
E për andé an festa ‘n fossà i-i è da sauté...
La purz ch’a l’è pì lesta ‘l fossà s’a l’ha sautà...
Ël pioj ch’a l’è pi meusi andrinta l’è restà...
La purz a si rivòlta: òh ‘t ses-to fate mal...
Son rotme na gamba e desloame ‘n brass...
Mandà ciamé lo médich për felo mediché...
Ël médich l’ha bin dije che ‘l pioj va confessà...
Mandà ciamé lo prèive për felo mediché...
E ‘l prèive l’ha bin dije: òh disme ij tò pecà...
Mangià carn ‘d vene e saba vigilia di Natal...
Rusiaje la testa al prèive antòrn a la cirià...
E ‘l prèive a l’ha bin dije : va pur che ‘t ses danà...
La sconda version antitolà Ël poj e la pùles a l'é pì curta:
Ël poj ansem la pùles a Roma veulo ‘ndé, garibé Ël poj ansem la pùles a Roma veulo ‘ndé cin cin garibin compare garibé a Roma veulo ‘ndé,a Roma veulo ‘ndé.
Quand son a metà strada d'un foss l'han riscontrà...
La pùles stàita lesta ‘l fossà a l’ha sautà...
Ël poj ch’a l’era pùder 'nt ël mes a l'é cascà...
As s'è rompù le gambe la testa fracassà...
La pùles stàita lesta lo médich va a ciamé...
Lo médich fa consulta ël poj a l'é spacià...
La pùles stàita lesta lo prèivi va a ciamé...
Ël poj l'ha rusià ai prèivi, ai prèivi la cirià...
Mai pì 's podralo assòlvi ch'a l'è scomunicà...
Për chi ch'a veul fé arserche pì ancreuse
Categorìa: Canson popolar piemontèisa