200px|left|thumb|Le suc de Lenede amont d'Orsonede
Lenede [lən'ədə]http://www.persee.fr/doc/rea_0035-2004_1931_num_33_4_2623 La toponymie gauloise de l'Auvergne et du Velay, Albert Dauzat o [ləˈnydə]Collectatge IEO 63 (Nonette en francés) es una anciana comuna d'Auvèrnha, dins le departament dau Puèi de Doma. Se tròba sobre le suc de Lenede, amont d'Orsonede. Despuèi le 1èir de janvèir 2016 es comuna delegada e chapluòc de la comuna novèla de Lenede e Orsonede.
Geografia
Perimètre del territòri Situacion davant la fusion embei Orsonede :
Toponimia La forma Nonede es atestada en 1287 dins los Comptes daus Cònsols de Montferrand Comptes daus Cònsols de Montferrand.. Las autras fòrmas ancianas son vicaria Nonatensis, en latin, au sègle IX, apud Nonetam, en 1188, Nonede, en 1373, Noneta, en 1392 Bénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 380. Dauzat, en 1931, explicava la finala per un sufixe inaccentuat d'origina preceltica e que los gals adoptèron, -ate, que formava donc de proparoxitòns; posteriorament, -a- pòsttonic venguèt -e- ancianament, puèi le nom chamgèt d'accentuacion e venguèt paroxitòn a la fin de l'Edat Mejana; le passatge de l'iniciala de Nonede a la de Lenede es una dissimilacion consonantica; le radicau seriá escur; la fòrma francesa Nonette seriá deguda a l'atraccion paronimica de nonne, nonnette, « monja » en francés, a l'origina d'una legenda e d'una etimologia populara; Dauzat resumiguèt son explicacion dins son diccionari Albert Dauzat, La toponymie gauloise de l'Auvergne et du Velay, 1931 http://www.persee.fr/doc/rea_0035-2004_1931_num_33_4_2623, p. 367 e 362-363</ref>Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 500; sembla pasmens que l'atraccion siá pustòst la dau sufixe -ette (eta en occitan), mai productiu e d'origina latina; en efèit, Orsonede es tanben vengut en francés Orsonnette (mas, una atraccion de la finala dau nom d'un vialatge per la d'un vialatge près es tanben possibla) e le toponime e antroponime francés Bessette sembla venir de Beceda per le mèsma mecanisme. Delamarre, qu'a tendença a privilegiar las explicacions per de noms de personas e doncas de proprietats, explica Nonede ( > Lenede) per un nom gallic d'òme, Nonnos, enbei le sufixe -ate Xavier Delamarre, Noms de lieux celtiques de l'Europe ancienne, ed. Errance, 2012, p. 206, 303 e 359. Per aquò, Dauzat, mas èra en 1931, considerava que -ate, productiu davant la romanizacion, s'aplicava a de noms d'aglomeracions mai o mens importantas o a de regions (los noms de pòbles gals, per exemple, son en -ates) e rarament a de bens ruraus; le sufixe -ates representava especificament le nom daus abitants de l'aglomeracion o de la region <ref>Albert Dauzat, La toponymie gauloise de l'Auvergne et du Velay, 1931 http://www.persee.fr/doc/rea_0035-2004_1931_num_33_4_2623, p. 362-363. Los Féniés explican Nonede (vengut Lenede) per un mot occitan, nòna o nona, « ròc en fòrma d'obelisque », que representariá le chastèl jucat sobre son pic ; mas coma l'atestacion dau sègle IX conten le sufixe -ate, chaudriá supausar qu'aquel mot es d'origina celtica o preceltica.
Istòria
Administracion
Demografia
Luòcs e monuments Gleisa de Sant Micolau, romanica e gotica, classada monument istoric en 1976 http://www2.culture.gouv.fr/public/mistral/merimee_fr?ACTION=CHERCHER&FIELD_1=REF&VALUE_1=PA00092220
Personalitats liadas a la comuna
Veire tanben
Liams extèrnes
Nòtas e referéncias Nòtas
Referéncias
Lenede Categoria:Anciana comuna d'Auvèrnhe (Occitània)