L’arrondiment de Tula es una division administrativa francesa dau departament de Corresa, dins la region de Novela Aquitània, ancianament de Lemosin.
Istòria La lei dau 28 pluviòse an VIII (17 de feurier 1800) creet los arrondiments. En 1926, l'arrondiment d'Ussèl fuguet suprimit per la refòrma Poincaré e sos cantons passèren dins l'arrondiment de Tula; l'arrondiment d'Ussèl fuguet restablit en 1943. En 1982, los cantons de Tula-Nòrd e Tula-Sud fuguèren subdevesits en quatre cantons. En 2017, l'arrondiment passet de 118 a 106 comunas per s'adaptar a las intercomunalitats, puei 104 (en 2019) e enfin 105 lo 1er de genier 2024 (ganh de Bujac, qu'èra de l'arrondiment d'Ussèl).
Composicion d'aici a 2015 Canton d'Argentat Canton de Corrèsa Canton d'Aus Gletons Canton de Mércuer Canton de La Plèu Canton de La Ròcha Canilhac Canton de Sent Privat Canton de Selhac Canton de Trainhac Canton de Tula Campanha-Nòrd Canton de Tula Campanha-Sud Canton de Tula Urban-Nòrd Canton de Tula Urban-Sud Canton d'Usercha
Composicion dempuei 2015 Contràriament a l'ancian descopatge en cantons, un canton pòt èsser a cavalhon sus mai d'un arrondiment : lo canton de Tula (n° 16) compren mas que la comune de Tula; lo canton d'Argentat compren 30 comunas, 29 de l'arrondiment de Tula, una de l'arrondiment de Briva dempuei 2017 (en causa de l'intercomunalitat), Altilhac; lo canton d'Aus Gletons (n° 7) compren 18 comunas (puei 17 : fusion de Montanhac e *Sent Pòlit emb Lo Jardenc en 2022), una, Vitrac de Montana, de l'arrondiment de Tula, las autras 16 de l'arrondiment d'Ussèl; lo canton dau Miegjorn Corresian (n° 10), Béinat) comprendriá (segon Wp.fr) una comuna sus 33 de l'arrondiment de Tula, Aubasina, mès avem pas trobat a quala epòca quela comuna èra de l'arrondiment de Tula; error probabla; lo canton de Navas (n° 11) compren 13 comunas, 12 de l'arrondiment de Tula (Mairinhac de l'arrondiment d'Ussèl); lo canton de Senta Fortunada (n° 14) compren 20 comunas, totas de l'arrondiment de Tula; lo canton de Selhac-Monedieras (n° 15) compren 21 comunas, totas de l'arrondiment de Tula; lo canton d'Usercha (n° 18) compren 21 comunas, 9 de l'arrondiment de Tula, las de l'ancian canton d'Usercha (a l'origina), 12 de l'arrondiment de Briva. lo canton dau Replanat de Miuvachas compren 33 comunas, 9 de l'arrondiment de Tula, las autras de l'arrondiment d'Ussèl; lo canton d'Alaçac compren 12 comunas, 3 de l'arrondiment de Tula, las autras de l'arrondiment de Briva.
Referéncias
Categoria:Arrondiment de Corresa Categoria:Corresa