Los gasteropòdes (Gastropoda), del grèc ancian γαστήρ, gastếr, « ventre » e πούς, poús, « pe » : son una classa de mollusques caracterizats per la torsion de sa massa viscerala. Presentan una granda diversitat de formas mas se pòdon reconéisser generalament per sa clòsca dorsala torcida e univalva, caracteristica quand es presenta. Los gasteropòdes constituisson lo pus grand grop animal après los insèctes : Se'n denombra aperaquí 40000 espècias viventas, regropadas en 409 familhas reconegudas, a las qualas s'apondon 202 familhas desaparegudas, conegudas a l'estat fossil dempuèi lo Cambrian. S'encontran per tot lo globe, dins totes los mitans levat dins las regions polaras. Los pus pichons gasteropòdes son de talha millimetrica e las larvas planctonicas de las espècias aqüaticas son microscopicas ; lo pus grand gasteropòde conegut es la « Trompeta australiana » que passa los 90 cm e pòt pesar duscas 18 kg« Un grand Syrinx aruanus de longor de clòsca 36 poces (91.4cm) » in : Hawaiian Shell News n° 30 (7), 1982, p.12..
Tenon un pe e un cap distints. Son pe es esclafada en una sòla ventrala larga, que servís a la natacion o la reptacion, mentre que son cap comporta d'uèlhs e una radula. L'ecologia dels gastéropodes es fòrça variada e las espècias pòdon èstre marinas, d'aiga doça o terrèstras. Entre los gasteropòdes terrèstres se trapan especialament los cagaròls e las limaucas. categoria:Gastropoda fr:Gastropoda