Alain Iriart (Sent Pèr d'Irúber, 27 de julhet de 1959) qu'ei un òmi politic basco de nacionalitat francesa, president de la comunautat d'aglomeracion de País Basco desempuish l'11 d'abriu de 2026.
Carrièra politica Militant nacionalista basco, qu'estó candidat deu partit Ezkerreko Mugimendu Abertzalea pendent las eleccions legislativas de 1986 dens Pirenèus Atlantics. En 1994 que's presentè shens escaduda a las eleccions cantonaus com candidat deu partit Abertzaleen Batasuna.
Laudant l'obertura a sostiens non nacionalistas d'esquèrra, qu'estó elegit cònsol màger de Sent Pèr d'Irúber en 2001,"PYRENEES ATLANTIQUES", Le Monde, 20/3/2001. puish reelegit en 2008, 2014, 2020 e 2026. Sent Pèr d'Irúber qu'estó pendent longtemps la mei importanta vila deu País basco francés a aver un cònsol màger abertzale.
En 2020, pendent l'enter dus torns de las municipaus que's posicionè un temps com un potenciau candidat a la presidéncia de la Comunautat d'Aglomeracion deu País Basco (CAPB),"Alain Iriart veut briguer la présidence de la CAPB", Embata, 5/7/2020. mes ne's presenta fin finau pas."Jean-René Etchegaray réélu président de l'Agglo", Mediabask, 17/7/2020. Que contunhè totun la soa activitat comunautària com conselhèr delegat territoriau deu pòle Niva-Ador (2020-2026).Les élus de la communauté Pays Basque, communaute-paysbasque.fr, 2020.
L'11 d'abriu de 2026, que vad lo segond president de la CAPB, en reculhint 119 vòtes contra 102 entau president sortent Jean-René Etchegaray."Pays basque : Alain Iriart renverse dix ans de présidence de Jean-René Etchegaray à la tête de l’Agglomération", Sud Ouest, 11/4/2026.
Referències Categoria:Personalitat politica Categoria:País Basc