Negrón qu'ei un bordalat que depen administrativaments de Valhanca, municipi deth País Valencian que se tròbe laguens dera comarca deth Cornèr d'Ademós (Rincón d'Ademuz, ena parla locau). En 1792, eth botànic Antoni Josep Cavanilles i Palop ne nomentaue 30 vesins, mès era màger part dera sua poblacion emigrèc tà Barcelona o Valéncia pendent eth , de manèra qu'ara i demoren mens d'ua desena d'abitants.
Lòcs d'interès
Glèisa de Sant Antòni de Pàdoa: Qu'ei ua petita e simpla construccion de nau soleta damb arcs diafragmatics de pèira incomplèts, deth 1700. Eth sòn exterior ei tanben d'ua simplicitat franciscana: portalada de lumedar de naut e petit campanau bastit en 1952, en tot substituïr er ancian. Deth 1868 ençà era ermita de Negrón devenguec glèisa parroquiau, damb un rector que depenie dera glèisa mair de Valhanca. Siguec espoliada pendent era Guèrra Civiu espanhòla. Cementèri municipau, damb era inscripcion mès anciana datada en 1922. Hònt de Negrón, damb un espaciós frontispici triangular e un com. Hònt deth Canalón (Fuente'l Canalón), o Hònt deth Chopo, hònt que se trape enes pès deth Pinar, deuant deth bordalat. Chopo de Negrón, píbol blanc de 250 ans, que se trape ena Hònt deth Canalón, un des quate subervivents deth reportatge de 1914 de Rafael Janini i Janini Algunos árboles y arbustos viejos de la provincia de Valencia. Carrasca de Negrón, eusa mòrta de 400 ans, se tròbe ena Hoya Tomás, partida de Somonegrón, arbe catalogat coma monumentau dera Comunautat Valenciana damb referéncia 1631.