Ligúria (en italian: Liguria ; en ligur: Ligûria ) es una region istorica e administrativa del nòrd-oèst d'Itàlia. Confronta la region de Provença-Alps-Còsta d'Azur a l'oèst (França), la region de Piemont al nòrd e las regions d'Emília-Romanha e de Toscana a l'èst. Sa populacion es de 1 760 000 abitants. Sa superfícia es de 5410 km2. Sa capitala n'es Gènoa e lo gentilici es ligur -a.
A l'extrèm nòrd-oèst de la region de Ligúria se tròba un tròç d'Occitània: dins l'auta Val de Ròia, i a qualques localitats que parlan lo roiasc e que se declaran coma "comunas de lenga occitana", segon la lei italiana nº 482 de 1999 sus las minoritats lingüisticas.
Geografia Amb , Ligúria es la tresena region pus pichona d'Itàlia, après la Val d'Aosta e Molise. Mas sos 298 abitants per km ne fan tanben la tresena region plus densament poblada, après Lombardia e Campània.
Entre los Alps e los Apenins, forma un arc de cercle a l'entorn del golf de Gènoa, part de la mar Ligura.
La còsta es rocosa e los relèus marcats. La vila portuària de Gènoa, situada al centre, domina demograficament la region, amb mai de abitants. Fòra la vila, se destrian abitualament dos regions costièras : la riviera di levante a l'èst, e la riviera di ponente a l'oèst. Per las còstas se trapan las autras vilas de talha pus modesta : La Spezia arriba en segonda posicion amb mens de abitants.
Divisions administrativas Ligúria es divisida en una ciutat metropolitana, e tres províncias: la Província d'Impèria la Província de La Spezia la Província de Savona
Nòtas e referéncias
categoria:Region d'Itàlia