La pesta negra (var. pèsta negra) es una epidemia mondiala de pesta que tochèc Asia, Euròpa e Africa entre 1346 e 1353. Entraïnèc la mòrt d'environ 75 milions de personas. En Euròpa, desestabilizèc la Gleisa Catolica, incapabla de gerir las crentas novelas de la populacion, e menèc a l'aparicion progressiva del movement protestant.

Causas

Las fònts e las informacions disponiblas

Las fònts e las informacions sus la pesta negra son relativament nombrosas. D'efiech, plusors cronicaires depintèron la malautiás e sas consequéncias d'una maniera relativament precisa. Los pus importants son probable Gabriel de Mussis (1280-1356)(fr) Vivian Nutton, « Introduction », Medical History. Supplement, n° 27,‎ 2008, pp. 1-16., Simon de Couvin († 1367)(fr) Christine Renardy, « Un témoin de la Grande Peste : Maître Simon de Couvin, chanoine de Saint-Jean l'Évangéliste à Liège », Revue belge de philologie et d'histoire, vol. 52, n° 2,‎ 1974, pp. 273-292., Marchionne di Coppo Stefani (1336-1385)(fr) François de Lannoy, Pestes et épidémies au Moyen Âge : VIe – XVe siècles, Rènnas de Bretanha, Éditions Ouest-France, 2016, p. 18. e Michel de Piazza († 1377)(en) Lars Walløe, 3 Medieval and Modern Bubonic Plague : Some Clinical Continuities, vol. 27, febrier de 2008.. L'arqueologia, la medecina, la genetica o los matematicas pòion pereu portar d'elements suplementaris gràcias a la descuberta e l'estudi dels restas de victimas de l'epidemia(fr) Vivian Nutton, « Introduction », Medical History. Supplement, n° 27,‎ 2008, pp. 1-16.. Enfin, dins mai d'una region, de documents oficiaus conservats permèton d'estimar los efiechs socioeconomics a partir de las donaas administrativas. Pasmens, la compreneson d'aquelos documents es pas totjorn simple en causa dels limits de la conoissença medicala e scientifica dels autors de l'epòca. Ansin, dempuei la segonda mitat del segle XX, las recherchas sus la pesta negra son generalament multidisciplinàrias(fr) Vivian Nutton, « Introduction », Medical History. Supplement, n° 27,‎ 2008, pp. 1-16.(fr) Jérémie Bazart, La peste, le pollen et l'historien, « L'Humanité Magazine », 24 de març de 2022, n° 799, pp. 32-33.(fr) Isabelle Séguy e Guido Alfani, « La peste : bref état des connaissances actuelles », Annales de démographie historique, n° 2,‎ 2017, pp. 15-38..

La malautiá e l'arribaa del rat negre en Euròpa

thumb|right|Fotografia d'un rat negre.

Dins las cronicas ancianas, la malautiá es totjorn designaa coma la pesta. Causaa per la bacteria Yersinia pestis, es una malautiá explicaa per los trabalhs d'Alexandre Yersin (1863-1943). Es una infeccion greva que pòt prendre de formas variablas coma la pesta bubonica, la pesta pulmonària, la pesta septicemica, etc(fr) E. Pilly, Maladies infectieuses et tropicales : tous les items d'infectiologie, París, Alinea Plus, 2017, 720 p.. Durant la segonda mitat del segle XX, plusors istorians aguèron de dobtes sus lo contengut dels testimònis medievaus. Lo prumier èra l'utilizacion frequenta del mot « pesta » per designar, d'una faiçon generala, totas las malautiás epidemicas mortalas(fr) Paul Robert, Dictionnaire alphabétique et analogique de la langue française, t. V, Le Robert, 1973, p. 149.(fr) Henri Mitterand e Albert Dauzat, Grand dictionnaire étymologique & historique du français, Larousse, 2011.. Lo segond èra la diferéncia marcaa entre los taus de mortalitat de la pesta medievala e de la pesta actualaPer exemple, entre 2010 e 2015, la pesta tuèc solament 587 personas dins lo monde.. Enfin, plusors scientifics notèron l'abséncia de roïgaires mòrts dins los textes ancians, un element normalament caracteristic de la pesta(fr) Vivian Nutton, « Introduction », Medical History. Supplement, n° 27,‎ 2008, pp. 1-16.(en) Joseph P. Byrne, Encyclopedia of the Black Death, Santa Barbara (Calif.), ABC-CLIO, 2012, pp. 46-48.. Pasmens, l'origina de l'epidemia foguèc confirmaa per l'identificacion de traças ADN de Yersinia pestis dins los dents d'esqueletas trobats dins de charnàs(en) Michel Drancourt, Gérard Aboudharam, Michel Signoli e Olivier Dutour, « Detection of 400-year-old Yersinia pestis DNA in human dental pulp: An approach to the diagnosis of ancient septicemia », Proceedings of the National Academy of Sciences of the United States of America, vol. 95, n° 21,‎ 13 d'octòbre de 1998, pp. 12637-12640.(en) Maria A. Spyrou, Rezeda I. Tukhbatova, Michal Feldman e Joanna Drath, « Historical Y. pestis Genomes Reveal the European Black Death as the Source of Ancient and Modern Plague Pandemics », Cell Host & Microbe, vol. 19, n° 6,‎ 8 de junh de 2016, pp. 874–881..

La difusion rapida de la pesta foguèc egalament acceleraa per l'arribaa del rat negre (Rattus rattus) en Euròpa. Originari d'Asia, aqueu rat es una serva naturala de Yersinia pestis(fr) Collectiu, Histoire naturelle, Flammarion, març de 2016, p. 527..

Lo contexte istoric

Al començament de l'epidemia, plusors regions del monde èran dins una fasa de desvolopament marcaa per una aumentacion progressiva de la populacion. Per exemple, en Euròpa, la populacion triplèc gràcias a l'adopcion de tecnicas agricòlas novelas (rotacion tercenala de las culturas, extension de las zònas cultivaas, melhorament dels otís, etc.). Aquò favorizèc l'urbanizacion, lo desvolopament dels eschangis comerciaus (Liga Anseatica, Rota de la Seda, etc.) e los movements de populacion (romavatges, crosaas, etc.)(en) Kenneth F. Kiple (dir.) e Ynez Violé O'Neill, The Cambridge World History of Human Disease, Cambridge, Cambridge University Press, 1993, pp. 270-279..

L'igiena generala èra pereu insufisenta. Se l'imatge d'una Edat Mejana poplaa de gents solhats vivent de longa dins la crassa es faussa, las conoissenças medicalas generalas èran limitaas. Las infrastructuras èran pereu pas totjorn ben adaptaas o sufisentas (banhs publics, evacuacion de las aigas, etc.). Las nieras e los pesolhs èran egalament frequents(en) Kenneth F. Kiple (dir.) e Ynez Violé O'Neill, The Cambridge World History of Human Disease, Cambridge, Cambridge University Press, 1993, pp. 270-279.. Aquò aguèc una gròssa importància durant l'epidemia car Yersinia pestis èra veïculat per una niera.

Debanament

L'origina de l'epidemia

L'origina geografica de l'epidemia es pas ben coneissua, mas los istorians son segurs d'una arribaa en Euròpa per las rotas de la Seda per lo nòrd e lo sud de la mar Caspiana(fr) Jean-Noël Biraben, Les hommes et la peste en France et dans les pays européens et méditerranéens, t. I : La peste dans l'histoire, París e L'Aia, Mouton, 1975, pp. 49-53.(en) Joseph P. Byrne, Encyclopedia of the Black Death, Santa Barbara (Calif.), ABC-CLIO, 2012, pp. 48-49.. Au-delà, los cronicaires medievaus plaçavan la region d'origina en Republica Populara de China o en Índia(fr) Jean-Noël Biraben, Les hommes et la peste en France et dans les pays européens et méditerranéens, t. I : La peste dans l'histoire, París e L'Aia, Mouton, 1975, pp. 49-53.. Pasmens, aquelas teorias son endechaas d'errors car la geografia de l'Orient èra quasiment inconeissua dels autors europeus del segle XIV.

Despuei la fin del segle XX, los estudis filogenetics an permés de precisar l'origina de la malautiá dins una region situaa entre la mar Negra e lo sud de Russia. Pasmens, d'estudis filogenetics pus recents suggerisson pusleu una origina en Asia Centrala, entre lo Cazacstan e lo Quirguizstan actuaus. Lo ròtle dels Mongòls es pereu contestat. Per una partia dels istorians, la Pax Mongolica favorizèc lo comerci eurasiatic e la difusion de la malautiá, mas per una autra partia, son los conflictes engendrats per l'islamizacion dels chefs mongòls que foguèron responsables de la difusion de l'infeccion(fr) Jean-Noël Biraben, Les hommes et la peste en France et dans les pays européens et méditerranéens, t. I : La peste dans l'histoire, París e L'Aia, Mouton, 1975, pp. 49-53..

La difusion

Euròpa e bacin mediterraneu

thumb|right|Representacion de l'enterrament de victimas de la pesta negra en Euròpa.

Lo sietge de Caffa per los Mongòls en 1346 es tradicionalament presentat coma lo començament de l'epidemia. Aquò es faus car la malautiá èra ja establia en Asia. Pasmens, en causa del ròtle economic e marchand de Caffa, un important establiment genovés situat en Crimèa, la batalha favorizèc fòrça la propagacion de l'epidemia en Euròpa. Segon la legenda, los Mongòls catapultèron de cadavres de victimas de la pesta per afeblir los defensors(fr) Boris Bove, Le Temps de la guerre de Cent Ans 1328-1453, Édition Belin, 2009.. Pasmens, l'intraa de rats dins la vila foguèc probable la causa vertadiera de la contaminacion dels Genovés(fr) Boris Bove, Le Temps de la guerre de Cent Ans 1328-1453, Édition Belin, 2009.. Lo sietge foguèc abandonat car la malautiá aviá decimat los dos camps. De combatents contaminats quitèron alora la vila e la pesta seguissèc las rotas maritimas. En 1347-1348, arribèc a Constantinòple, Messina, Gènoa, Marselha, Ragusa e Venècia(en) C. Tsiamis, « Epidemic waves of the Black Death in the Byzantine Empire (1347-1453 AD) », Infections in the history of medicine, n° 3,‎ 2011, pp. 194-201.. A partir d'aquelos pòrts, poguèc s'espandir dins lo nòrd d'Euròpa. Absenta de la region despuei sieis segles sus lo continent, i trobèc un terren favorable. Arribèc en Anglatèrra en decembre de 1348, en Alemanha en 1349, en Escandinàvia en 1350 e en Russia en 1351(fr) Jonathan Duhoux, La Peste noire et ses ravages. L'Europe décimée au XIVe siècle, 50 Minutes, 2015, p. 16.. Pasmens, aquela progression foguèc pas omogenea e quauquas regions foguèron esparnhaas coma Bearn, Polonha o las vilas de Brujas, de Milan e de Nurembèrg.

Dins lo monde musulman e dins la resta del bacin mediterraneu onte la pesta èra demoraa endemica durant quauques segles après la pesta de Justinian (segle VI), lo chaple foguèc egalament terrible. La prumiera manifestacion foguèc probable senhalaa dins las regions autas d'Egipte vèrs 1345. Puei, tochèc Alexàndria e lo Caire, Palestina, Siria, la resta d'Egipte, Magrèb e la peninsula Iberica(fr) Pierre Pinta, Le Liban, Kathala Éditions, 1995, pp. 66-67.. En 1349, l'epidemia se difusèc en Mesopotamia, probablament per lo segond còp(en) Yaron Ayalon, « The Black Death and the Rise of the Ottomans », Natural Disasters in the Ottoman Empire: Plague, Famine, and Other Misfortunes, Cambridge, Cambridge University Press, 2014, pp. 21-60.. Enfin, una epidemia tardiva se propajèc dins lo sud de la peninsula Aràbia en 1350-1351(en) J-P. Byrne, Encyclopedia of the Black Death, Santa Barbara, ABC-CLIO, 2012, p. 51..

Asia

En Asia, la cronologia de la difusion de la pesta negra es pas coneissua d'un biais detalhat. La malautiá sembla d'arribar en 1350 en China e en Índia, mas anèc probable pas mai luenh. En China, la populacion demenissèc de 120 a 65 milions entre 1200 e 1400, mas lo ròtle de la pesta dins aquela crisi es pas clara. D'efiech, durant aqueu periòde, las invasions mongòlas, las catastròfas naturalas, las faminas e la pesta tochèron lo païs e decimèron los abitants.

Africa Subsahariana

Los racòntes dels viatjaires europeus dels segles XIV e XV mencionan pas la preséncia de pesta en Africa. La manca de documents escrichs permet pereu pas de descriure la propagacion de la malautiá sus lo continent. Enfin, los arqueològs a pas encara identificat de fòssa comuna ligaa a l'epidemia. Los istorians an donc longtemps estimat que la pesta èra arribaa en Africa durant lo segle XIX. Pasmens, tres elements i suggerisson una difusion de la pesta negra : en Ghana, lo site d'Akrokrowa mòstra una comunautat agricòla medievala aient subit un afondrament demografic a l'epòca de la difusion de l'epidemia en Africa del Nòrd. Los arquelògs an pas trobat de signes de guerra o de famina. Aquò es relativament similar als fenomenes d'afondrament demografics observats dins las illas Britanicas durant la pesta de Justinian.