miniatura|Lògo actual de Cracker Bell Cracker Barrel Old Country Store, Inc. es una cadena americana de restaurants e de botigas de presents ligats a una tematica que representa la cultura del sud dels Estats Units. L'entrepresa foguèt fondada per Dan Evins e Tommy Lowe en 1969 e sa primièra botiga s'implantèt a Lebanon, vila de Tennessee ont es encara uèi la sedença de la compahiá. Al començament, la cadena s'installèt sus las sortidas de las rotas del sudèst e de l'oèst mejan del país, mas posteriorament s'espandiguèron per tot lo territòri american dins las annadas 1990 e 2000. En agost de 2023 aquesta cadena de restaurants teniá 660 botigas dins 45 estats. miniatura|Cadena de Cracker Bell a Morrisville (Carolina del Nòrd) amb l'ancian lògo Durant las annadas 1990, la companhiá foguèt enfangada dins una controvèrsia per encausa de sas posicions envèrs los candidats e emplegats omosexuals e a l'encòp pr'amor de sas practicas discriminatòrias contra lo personal afroamerican e de sèxe femenin. Una enquèsta facha pel Departament de la Justícia dels Estats Units trobèt que Cracker Barrel discriminava los clients de color, que los clients se planhián d'aquesta actitud e tanben per la qualitat del servici. Aprèp un acòrd amb lo Departament de la Justícia, Cracker Barrel metèt en plaça una politica e de mesuras antidiscriminatòrias e mai s'engatgèt a centrar sos esfòrces sus un melhorament de la representacion de las minoritats e la participacion civica, mai que mai cap a la comunitat afroamericana. Los accionaris de la companhiá apondèron puèi l'orientacion sexuala a sa politica antidiscriminatòria en 2002.
En agost de 2025 se produsiguèt una novèla polemica, radicalament opausada aqueste còp. Lo cambiament del lògo que faguèt desaparéisser lo tradicional Oncle Herschell, atribuït a la presidenta de l'entrepresa Julie Felss Masino, foguèt qualificat de "woke" pels corrents conservadors e reaccionaris americans, subretot un dels filhs del president Trump, Donald Trump Jr.
miniatura|Botiga de Cracker Barrel a Albuquerque Referéncias
Ligams extèrns