vinheta|350x350px|L'estatua menir de Durenca L'estatua menir de Durenca es una estatua menir del grop roergàs descubèrta a Durenca, dins lo despartement de l'Avairon en França.
Descripcion Foguèt descubèrta en 1940 pròche los lòcsdiches de La Camasia e de la Salvetat sus una cresta. Mesura 1,14m de naut per una largor maximala de 0,38m e una espessor de 0,10m. L'estatua es complèta mas foguèt damatjada per los instruments aratòris (regas que barran lo visatge). Es una estatua menir masculina, l'unica coneguda dins lo grop roergàs d'aver la tèsta clarament desseparada del còrs e l'una de las raras d'aver la boca del personatge representada. Aquesta boca poiriá èstre estat aponduda ulteriorament. Lo personatge compòrta de bras e de mans mas pas de cambas ni de pès. Pòrta una cinta, un baudrièr e « l'objècte »Aquel objècte de forma triangulara, comun dins las estatuas menirs dels grops roergàs e lenguedocian, es generalament interpretat coma un ponhal de coire o de silex, o quitament coma un estug.. La fàcia posteriora de l'estatua compòrta pas de gravadura.
L'estil general de l'estatua remembra aquel de las estatuas menirs de la Lunigiana en Itàlia.
L'estatua es conservada au musèu François Fabié a Durenca. Una replica se pòt veire al musèu Fenaille de Rodés e una autra es estat levada al lòc de la descubèrta.
Nòtas e referéncias
Aqueste article es essencialament revirat de la version francesa de Wikipèdia. Categoria:Estatua menir