vinheta|341x341px|La tolos de la Lauva a Salèrna.
La tolos de la Lauva es una tomba facha amb de blòts de pèira, situada a una altitud de 365m, a l'extremitat dau plan de la Lauva, sur la comuna de Salèrna, dins lo departament dau Var en França. Es un monument unic de son genre en Provença.
Descripcion L'edifici es construch alentorn d'una cambra sepulcrala quasi circulara, amb un diamètre de 1,80 m. Es bastit amb de bòts de cauquier dispausats en forma de gòrba (faussa vòuta), çò que li vouguèt l'apelacion de tolos. vinheta|341x341px|L'entrada a la cima.. Es embarrat dins un tumulus de maçacans, mantenguts per una mureta tanben circulara e facha amb de gròs blòts. L'ensems mesura 7 m de diamètre. Ges de corredor d'accès a la cambra se pòu veire, encara que quauquei lausas clinhadas dau caire de l'oest podrián n'èstre una debuta. S'accedissiá probablament a la cambra per sa dubertura a la cima. Aquesta èra bensai tapada per una lausa levadissa.
Foguèt restaurat en 1993 per Hélène Barge.
Cavaments arqueologics Lo cròs foguèt descubert e sonhosament cavat dins leis annadas 1950 per A. Taxil.
Lo jaç superior, espessor mejana de 14cm, conteniá d'òs cremats fòrça morsejats que podrián correspondre a un quinzenau d'individús. Lo mobilier litic trobat en aqueu jaç se compausa d'una granda lama, de lames, de brigas e d'una poncha de sagetas. Coma ceramica, i aviá pas mai que dos tèsts atipics. Leis ossaments d'animaus, sensa traça de combustion, correspondián totei a una fauna invasiva venguda dau mitan naturau (vertèbras de sèrps, òs de conius, grapaud, rosigaires pichons e cauquilhas de caragòus).
Lo jaç inferior, espessor mejana de 12cm, comportava gaire d'ossaments fòra quauqueis ossilhons e 122 dents en bòn estat, siá mai ò mens 10 individús de qué gaire d'enfants. Lo mobilier arqueologic comportava de beluras (9 pèrlas en form d'anèu en quauquier e tèst de cauquilhatge, 2 pèrlas en forma d'olivas en ròca verda). Leis objèctes litics èran limitats a de ponchas de sagetas en forma de fuelhas.
Nòtas e referéncias Aquel article es mai que tot una revirada de la pagina francesa de Wikipèdia. Categoria:Megalitisme
Categoria:Site arqueologic d'Occitània