Eduard Böhmer o Boehmer, nascut lo 24 de mai de 1827 a Stettin (uèi Szczecin) e mòrt lo 5 de febrièr de 1906 a Lichtental, prèp de Baden Baden, es un romanista e teologian alemand.
Biographie Eduard Böhmer foguèt professor de teologia a Halle, puèi s'avodèt mai a la filologia, qu'ensenhèt de 1872 a 1879 a l'universitat d'Estrasborg. Publiquèt mai d'un libre e maites articles dins las doas disciplinas, per exemple dins la revista Romanische Studien (1871-1885). Lo sistèma de transcripcion fonetica que concebèt per aquesta revista inspirèt Bourciez e lo Glossaire des patois de la Suisse romande.
Es tanben conegut per son article sus la nacionalitat occitana paregut en 1870."Die occitanische Nazionalität". in Die Grenzboten. Zeitschift für Politik und Literatur. XXIX Jahrgang. II. Semester. 1. band. Leipzig, 1870.
Bibliografia Piet Steenbakkers, « Les éditions de Spinoza en Allemagne au XIX siècle », dans André , Pierre-François et Jean (dirs.), Spinoza au XIX siècle, Publications de la Sorbonne, 2007. Karl Bader, Lexikon deutscher Bibliothekare im Haupt und Nebenamt bei Fürsten, Staaten und Städten. Harrassowitz, Leipzig 1925 (Zentralblatt für Bibliothekswesen, Beiheft; 55), S. 21.
Referéncias
Categoria:Portal:Lengas/Articles ligats