200px|thumb|right|Peter Kingsbery, cantaire de Cock Robin (en 2019) 200px|thumb|right|Cock Robin sus l'empont en 2011 Cock Robin es un grop pop ròck anglofòna american fondat en 1982 a San Francisco (Califòrnia) pel cantaire e guitarrista Peter Kingsbery.
Cock Robin es lo nom en anglés del barbarós, mas mai precisament lo nom Cock Robin d'aquel grop s'inspira d'una comptina del XVII sègle entitolada Death and Burial of Poor Cock Robin ( « la mòrt e l'enterrament del paure Barbarós »).
Lo qüatuor Cock Robin es centrat sul duò format al cant per Peter Kingsbery e Anna LaCazio. Los dos autres sòcis originals del grop èran Clive Wright e Louis Molino.
Grop d'estil pop ròck, Cock Robin es de còps considerat coma un grop new wave tardiu : an sortit lor primièr album en 1985 e conegut sulcòp una gròssa capitada en Euròpa continentala. Paradoxalament, an agut pauc de resson al Reialme Unit e dins lor país d'origina (als Estats Units). Son estats al som de lor popularitat entre 1985 e 1990 : los títols mai coneguts de lor repertòri en Occitània son, dins l'òrdre cronologic, When Your Heart Is Weak fin 1985, The Promise You Made en 1986, Just Around The Corner en 1987 e Worlds Appart en 1990.Une nostalgie nommée Cock Robin s'installe à Marseille https://www.laprovence.com/article/sorties-loisirs/4491853/une-nostalgie-nommee-cock-robin.html
Peter Kingsberry a tanben agut una plan gròssa capitada en sòlo en França en 1993 ambe Only The Very Best, una version en anglés del SOS d'un Terrien en détresse de Starmania, una composicion de Michel Berger que la version originala en francés foguèt popularizada per Daniel Balavoine en 1978.
Dempuèi 2015, Peter Kingsberry contunha Cock RobinCoralie Vuillemin, nouvelle voix de Cock Robin https://www.topo-bfc.info/article-coralie-vuillemin-nouvelle-voix-de-cock-robin,856.html en avent remplaçat Anna LaCazio per la francesa Coralie Vuillemin.Pendant des années, la voix féminine de Cock Robin est celle d’Anna LaCazio. Suite au départ du groupe de cette dernière, Peter Kingsbery a choisi de travailler avec la Française Coralie Vuillemin. https://www.nostalgie.fr/artistes/cock-robin/actus/qui-est-la-nouvelle-voix-de-cock-robin-70205638
Discografia 1985 : Cock Robin 1987 : After Here Through Midland 1989 : First Love / Last Rites 2006 : I Don't Want to Save the World 2010 : Songs from a Bell Tower 2016 : Chinese Driver 2021 : Homo Alien
Cançons mai conegudas When Your Heart Is Weak (1985) The Promise You Made (1986) Thought You Were On My Side (1986) Just Around The Corner (1987) The Biggest Fool Of All (1987) El Norte (1988) Worlds Apart (1990) Straighter Line (1990)
Referéncias
Categoria:Grop de rock american Categoria:Grop de musica american categoria:Grop de rock categoria:New wave Categoria:Grop de musica dels ans 1980 Categoria:Grop de musica dels ans 1990 Categoria:Grop de musica dels ans 2000 Categoria:Grop de musica dels ans 2010 Categoria:Grop de musica dels ans 2020