200px|thumb|right|Lo cantaire franco-italian Claudio Capéo, aquí sus l'empont en Occitània en 2017, dins lo Vivarés.
Claudio Capéo, de son nom vertadièr Claudio Ruccolo, nascut lo 10 de genièr de 1985 a Mülhausen (Alsàcia), es un acordeonista e cantaire francés d'origina italiana, çò qu'explica que canta a l'encòp en francés (Un homme debout, Ça va ça va, Riche, Plus haut...) e en italian (E penso a te, Caruso...). Claudio Capéo es a l'encòp son nom de scèna e lo de son grop.
S'es fach conéisser en França en participant a la sason 5 de l'emission televisada The Voice : La Plus Belle Voix en 2016. I foguèt seleccionat dins la còla de Florent Pagny gràcias a son interpretacion remirabla de la cançon Chez Laurette de Michel Delpech.
A agut en seguida una gròssa capitada ambe sa cançon en francés Un homme debout qu'a lançat sa carrièra de cantaire, son primièr album contenent aquel títol foguèt quitament n°1 de las vendas en França pendent l'estiu de 2016.Claudio Capéo en concert en Occitanie à Agde le mercredi 31 juillet 2024 https://icisete.fr/evenement/concert-claudio-capeo-a-agde-scene-flottante-2024/
A fach mantuns duòs famoses coma Un peu de rêve ambe la cantaira francesa Vitaa, Que Dieu me pardonne ambe lo cantaire occitanocatalan francofòn Kendji Girac en 2019, o encara Chez toi ambe Slimane en 2023.
Discografia 2016 : Claudio Capéo 2018 : Tant que rien ne m'arrête 2020 : Penso a te 2022 : Rose des vents
Cançons mai conegudas Chez Laurette (2016, represa de Michel Delpech) Un homme debout (2016) Ça va ça va (2016) Riche (2017) Dis-le moi (2017) Un peu de rêve (2017, ambe Vitaa) Ta main (2018) Que Dieu me pardonne (2019, ambe Kendji Girac) Plus haut (2019) E penso a te (2020) Caruso (2020, represa de Lucio Dalla) C'est une chanson (2020) Si j'avais su (2022) Tour de France (2022) Chez toi (2023, ambe Slimane)
Referéncias
Categoria:Cantaire francés Categoria:Cantaire italian Categoria:Naissença en 1985 Categoria:Cantaira e cantaire dels ans 2010 Categoria:Cantaira e cantaire dels ans 2020