thumb|right|Representacion d'Atelstan dins un obratge medievau.
Atelstan (vèrs 894 - 27 d'octòbre de 939, Glocèstre) es un rèi anglosaxon que reinèt de 924 au 27 d'octòbre de 939. Considerat coma lo premier rèi d'Anglatèrra, èra lo fiu d'Edoard l'Ancian (899-924) e foguèt remplaçat per son frairastre Edmond I (939-946).
Son rèine es marcat per de guèrras recurrentas còntra d'insurgents, de reiaumes vesins e lei possessions vikingas implantadas en Granda Bretanha. Atelstan obtenguèt fòrça succès militars. Conquistèt ansin York en 927 e renforcèt son autoritat sus la màger part de l'Anglatèrra actuala e, en 937, arrestèt una temptativa de retorn ofensiu dei Vikings a la batalha de Brunanburh en 937. En parallèl, estructurèt lo reiaume en clarificant la fabricacion de monedas e en renforçant lei relacions amb la Glèisa. Son sostèn ai monastèris permetèt tanben de restaurar una certana vida intellectuala dins l'illa.
Liames intèrnes
Anglatèrra. Reiaume de Wessex.
Bibliografia
(en) George Molyneaux, The Formation of the English Kingdom in the Tenth Century, Oxford, Oxford University Press, 2015.
Nòtas e referéncias