Ō no Yasumaro太 安万侶 en japonés. († 723) es un noble e un cronicaire japonés de la premiera partida dau sègle VIII. Intrat dins l'administracion de l'Empèri en 705, i ocupèt plusors pòstes importants e venguèt cap de son clan en 715 ò en 716. Es mai que mai famós per son ròtle clau dins la compilacion dau Kojiki, un important recuelh de legendas e de còntes populars qu'es vengut un dei tèxtes de referéncia dau sintoïsme. Per aquò, a la demanda de l'emperaitritz Genmei (707-715), reprenguèt un trabalh ja començat en 711 e l'acabèt un an pus tard. A tanben probablament jogat un ròtle important dins la compilacion dau Nihon shoki, l'autre tèxte major dau sintoïsme, que foguèt acabat en 720.
Liames intèrnes
Kojiki. Nihon shoki. Sintoïsme.
Bibliografia
(en) John S. Brownlee, Political Thought in Japanese Historical Writing : From Kojiki (712) to Tokushi Yoron (1712), Wilfrid Laurier University Press, 1991.
Nòtas e referéncias