right|200px|thumb|Louane en Occitània a Agde lo 4 d'agost de 2023 Anne Peichert, coneguda coma Louane Emera o mai simplament Louane, es una cantaira, musiciana e actritz francesa, nascuda lo 26 de novembre de 1996 a Hénin-Beaumont (França). Son paire a d'originas alemanda e polonesa, e sa maire es de soca portuguesa brasiliana.
Es estada remarcada en 2013 a la television francesa dins The Voice : La plus belle voix, una emission destinada a lançar de novèls talents de la cançon, ont, sostenguda per Louis Bertignac, arribèt fins a la semifinala.
Louane obten sustot una granda notorietat en 2015 gràcias a son primièr ròtle dins lo film La famille Bélier (film sortit en salas publicas al mes de decembre de 2014) que li val lo Cesar del melhor espèr femenin de 2015. Dins aqueste film, i confirma son talent de cantaira en i interpretant d'un biais remirable de represas del cantaire francés (occitan per son paire) Michel Sardou (Je vais t'aimer, Je vole, En chantant...).
Entretemps, en 2014, a començat de rendre public sas primièras cançons, en particular Jour 1 tre lo mes de març de 2014, e Avenir fin de novembre, doas cançons qu'obtenon dins los païses francofòns un resson considerable, prefigurant la capitada colossala de son primièr album, Chambre 12 (sortit lo 2 de març de 2015), que serà l'album lo mai vendut en França en 2015.https://www.midilibre.fr/2023/08/07/cetait-trop-dangereux-louane-sexcuse-aupres-de-ses-fans-apres-son-concert-a-agde-ou-elle-sest-fait-tres-peur-11383958.php Es estada a n'aquesta epòca un pauc comparada a la cantaira canadiana Cœur de pirate.https://www.programme-tv.net/news/people/230081-coeur-de-pirate-confondue-avec-louane-elle-se-prend-un-enorme-vent/
Filmografia 2014 : La Famille Bélier d'Éric Lartigau 2017 : Nos patriotes de Gabriel Le Bomin 2018 : Les Affamés de Léa Frédeval 2023 : Marie-Line et son juge de Jean-Pierre Améris
Discografia 2015 : Chambre 12 2017 : Louane 2020 : Joie de vivre 2022 : Sentiments
Cançons mai conegudas Jour 1 (2014) Avenir (2014) Je vole (2015, represa de Michel Sardou) Je vais t'aimer (2015, represa de Michel Sardou) Maman (2015) Jeune (j’ai envie) (2015) Nos Secrets (2015) On était beau (2017) Si t’étais là (2017) No (2018) Donne-moi ton cœur (2020) Aimer à mort (2021) Secret (2022) Pardonne-moi (2023) Maman (2025, cançon causida per representar França al Festival de la Cançon d'Eurovision, al titol similar que sa cançon de 2015, pasmens, s'agís d'una cançon diferenta).
Referéncias
categoria:cantaira francesa Categoria:Cantaira e cantaire dels ans 2010 Categoria:Cantaira e cantaire dels ans 2020