Joan Victòr Lalana, que ho un regent bearnés, prosator en gascon, felibre, vadut lo 17 de julhet de 1849 a Lagòr e mòrt lo 9 de genèr de 1925 a Bidaishe.
Biografia En 1868 que sortí de l'Escòla Normau de Lescar e que viengó institutor, a Bidaishe, dens lo departament deus Baishs Pirenèus en 1870.
Que ho membre de l'Escòla Gaston Fèbus, associacion fondada en 1897 per Simin Palai e Miquèu de Camelat ; ne ho capdau (president) en 1919, après Adrien Planté (de 1897 a 1911) puish Louis Batcave (de 1912 a 1918).
Que ho elejut majorau deu Felibritge en 1905.
Òbras Las òbras literàrias e tribalhs de Joan Victòr Lalana que son en bearnés.
Contes e òbras en pròsa Los « Contes populaires du Béarn recueillis en langue béarnaise » que horen publicats en 1890 peu prumèr còp.
Contes populaires du Béarn Coundes biarnés, couéilhuts aüs parsàas miéytadès dou péys dé Biarn Lou Prousèy d'û biarnés, coundes et histoerots Ue Benyence / Ua Vengença
Revistas Que contribuè a la revista Reclams de Biarn e Gasconha (Échos de Béarn et Gascogne)
Diccionari Joan Victòr Lalana que collaborè au Dictionnaire du béarnais et du Gascon modernes de Simin Palai. Que’s morí sèt ans abans la publicacion de la soa prumèra edicion.
Nòtas e referéncias
Categoria:Escrivan occitan Categoria:Escrivan gascon Categoria:Personalitat gascona Categoria:Majorau dau Felibritge Categoria:Naissença en 1849 Categoria:Decès en 1925