Los Denes (« pòble ») son una etnia del Nòrd-Oèst de Canadà, un grop de las Primièras Nacions que demòran dins las regions articas de Canadà. Los Denes parlan de lengas atabascanas de la famiha na-dené.
Los denes son despartits dins una vasta region. Vivon dins la val de Mackenzie (al sud dels Inuvialuits) e se trapan a l'oèst de Nunavut. Sa patria atenh l'oèst de Yukon e la part nòrd de la Colómbia Britanica, d'Albèrta, de Saskatchewan, de Manitòba, d'Alaska e del sud-oèst dels Estats Units. Los Denes foguèron lo primièr pòble de s'establir dins çò qu'es uèi los Territòris del Nòrd-Oèst. Dins lo nòrd de Canadà, i aviá istoricament de bregas etnicas entre Denes e Inuits. En 1996, de representants denes e inuits participèron a una ceremonia de garison per reconciliar los greuges secularis .
Behchoko, dins los Territòris del Nòrd-Oèst, es la pus granda comunautat dene de Canadà. Categoria:Pòble autoctòn de Canadà