Hautmont (Haumont en francés) es una anciana comuna lomanhòla, situada dens le departament de Tarn e Garona e la region d', ancianament de Miègjorn-Pirenèus. Es dens la comuna d'Esparçac dempèi 1821.

Geografia Le vilatge e le castèth son sus un planèr près de la RD 93, pas luenh de la RD 3 entre La Vit e Bèumont de Lomanha.

Toponimia Las fòrmas ancianas son Sanctus Laurentius de Faumonte (citat per Moulenq), Favomonte (hons Doat). La capèra deu castèth es escrita N.D. (Nòsta Dauna) sus la mapa de Cassini. Meileu qu'un nom germanic Almund (Schmittlein) o que au mont dambe article contractat, le nom representa lo resultat deus mots latins altum e montem, « haut mont », com per los Montaut dens un òrde diferent. La prononciacion es [awmun] (h- iniciala es quasi muda dens aquera partida de la Gasconha) Paul Burgan, André Lafon, Toponymie du Tarn-et-Garonne, Association Antonin Perbosc, 2006, p. 44-45.

Istòria Pendent l'Ancian Regime, Hautmont èra de l'eleccion de Lomanha, donc de la província de Gasconha, de la generalitat d'Aush, de la diocèsi de Montauban e de la senescaucia de Lomanha. Tanlèu 1790, Hautmont èra deu canton de Bèumont de Lomanha. La comuna d'Hautmont estó incorporada a Esparçac per ordenança deu 24 d'octobre 1821 Dictionnaire des localités de la Haute-Garonne, p. 20 e 1 https://docplayer.fr/14783413-Dictionnaire-des-localites.html https://docplayer.fr/14783413-Dictionnaire-des-localites.htmlhttp://www.esparsac.fr/fr/historique/son-patrimoine.html.

Hautmont èra parròpia https://www.geoportail.gouv.fr/donnees/carte-de-cassini cercar a Haumont, EsparsacPaul Burgan, André Lafon, Toponymie du Tarn-et-Garonne, Association Antonin Perbosc, 2006, p. 44-45. I a encara ua glèisa (Sent Laurenç) e un cementèri.

Demografia

Le n° INSEE es estat cambiat per rasons practicas.

Lòcs e monuments Castèth de Hautmont (238 m) http://www.esparsac.fr/fr/historique/son-patrimoine.html Vistas suus Pirenèus prèp deu castèth d'aiga, a 245 m d'altitud, per vent de sud, mès las mei bèras son a Esparçac. La Pietà de la glèisa de Sent Laurenç de Hautmont, en husta policròma, de la fin deu sègle XV, es ara a Esparçac. Classada monument istoric le 9 d'abriu 1956 http://www.esparsac.fr/fr/historique/son-patrimoine.html.

Personalitats ligadas dambe'u quartièr Véser tanben

Nòtas e referéncias