Lo Congrès dels Deputats es la Cambra Bassa de las Corts Generalas, l'organ constitucional que representa lo pòble espanhòl. S'amassa en sessions dins lo Palais de las Corts, situat sus plaça de las Corts a Madrid.
Posicion constitucionala
Natura de la cambra
Composicion esquèrra|vinheta|250x250px|Sala de Plen del Congrès. La Constitucion espanhòla establís dins l'article 68.1 que lo Congrès dels Deputats se compausa d'un minim de 300 e un maxim de 400 deputatsConstitucion espanhòla, 1978, art. 68.1.. Lo nombre actual es de 350 deputats per determat per Lei Organica de Regim Electoral General, aprovada en 1985.Lei Orgznica del Regim Electoral General, 1985, art. 162.1.
Sistèma electoral La Constitucion establís que los deputats son causits per sufragi universal, liure, egal, dirècte e secrèt.Constitucion espanhòla, 1978, art. 68.4. Las eleccions a de Corts Generalas se debanan cada quatre d'ans, o abans en cas d'eleccions anticipadas.Constitucion espanhòla, 1978, art. 68.4. Los membres del Congrès dels Deputats so elegit segon la representacion proporcionala amb listas barradas dins cada circonscripcion electorala.Constitucion espanhòla, 1978, art. 68.4. esquèrra|vinheta|250x250px|Deputats per circonscripcion fixada per las eleccions generalas de 2016. Existisson 52 circonscripcions electoralas plurinominalas pel Congrès dels Deputats, que se correspondon a caduna de las cinquanta províncias espanhòlas, en mai de las vilas autonòmas de Ceuta e Melilla.Constitucion espanhòla, 1978, art. 68.2. Segon la lei electorala espanhòla per província se garantís un minim dos sètis. Las vilas autonòmas de Ceuta e Melilla an caduna un. Alara, demòran assignats 102 sètis. Los autres 248 deputats s'assignan de forma proporcionala a la populacion de drech. Aqueste despartiment es diferent en cada eleccion e se realisa amb lo decrèt reial de convocacion de las eleccions.Lei Organica del Regime Electoral General, 1985, art. 162. Dins las eleccions generalas de 2016 aguèt un escart de 2 deputats, dins la província de Soria, fins a 36, dins la província de Madrid.Direccion de l'Estat, 2016, p. 29960.
Après las eleccions generalas, s'assignan los sètis a las listas electoralas dins cada circonscripcion. Per aquel despartiment s'utiliza lo sistèma D'Hondt en cada circonscripcion per separat. Aquel sistèma garantís que cap candidat elegit aja obtengut mens de vòts qu'un candidat pas elegit dins aquesta circonscripcion. Mai, existís un lindal electoral del 3 %, es a dire, un partit cal obténer almens lo 3 % dels vòtes valids emeses dins la circonscripcion per optar al despartiment de sètis.
La Lei Organica 5/1985 de 19 de junh del Regim Electoral General establís un minim del 3 % dels vòtes valids dins sa circonscripcion (comptan los vòtes en sèti al total, mas se comptan pas los nuls) per que un partit pòsca èsser considerat dins lo despartiment de sètis d'aquela circonscripcion.Lei Organica del Regim Electoral General, 1985, art. 163.1.a. Aquel darrièr ponch a pas qu'aplicacion reala dins de províncias que son assignats almens 24 deputats, condicion qu'a l'ora d'ara sonque se realizan a Madrid e Barcelona. dins tot lo periòde democratic aquela clausula d'exclusion s'apliquèt sonque un còp, en 1993 amb lo Centre Democratic e Social, qu'aviá obtengut 2,99 % dels vòtes emeses dins la província de Madrid e al que li auriá correspondut un deputat s'aguès pas existit lo lindal electoral.
En març de 2011 se reformèt la Lei Organica del Regim Electoral General de tal biais que los partits sens representacion al Congrès e Senat an de cridar de signaturas d'electors qu'avalan sas candidaturas per poder se presentar a las eleccions generalas (Congrès e Senat), levat las condicions generalas. Se cal 0,1 % de signaturas del cens electoral de cada circonscripcion. Cada ciutadan pòt pas que signar per una candidatura. Lo Conselh Electoral determinarà los detalhs de l'acamp de signatura.Lei Organica del Regim Electoral General, 1985, art. 169.3.
Criticas drecha|vinheta|250x250px|Circonscripcions sosrepresentadas (en roge) e sobrerepresentadas (en blau) en las eleccions generalas de 2016. Jos aquel sistèma, las províncias pauc pobladas son sosrepresentadas pr'amor que se lor assignan mai de sètis qu'aqueles que recebràn se los sètis seriá estat repartit estrictament en proporcion a la populacion de cada província. Del meteis manièra, las províncias fòrça pobladas son subrerepresentadas.Colomer, 2004, p. 262
Lo sistèma tend tanben a favorir los grands partits.Álvarez Rivera, 2016. Malgrat l'emplec d'un sistèma de representacion proporcional, que facilita en general l'apareicion de pichons partits, lo sistèma d'eleccion del Congrès dels Deputats favorís en la practica la creacion d'un sistèma bipartidista. Aquò per diferentas rasons: La granda disparitat de populacion entre las províncias, e malgrat que las províncias pichonas son sobrerepresentadas, lo nombre de deputats assignats a caduna d'elas es pichon e tend a anar a al dos principals partits.
Lo lindal electoral del 3 % agís pas que dins de províncias que causisson mai de 30 deputats, es dire Madrid e Barcelona. Dins lo rèste de circonscripcions, ont se repartisson mens de sètis, la vertadièra barrièra per dintrar dins lo Congrès es significativament màger. Per exemple, la barrièra efectiva dins las províncias amb 3 sètis es del 25 %.
Lo nombre mejan de sètis per circonscripcion es un dels mai basses d'Euròpa. Aquò es a causa de l'emplec de las províncias espanhòlas coma circonscripcion electorala, que fa qu'aja un grand nombre de circonscripcions.Heywood, 1999, p. 72 En consequéncia, lo nombre de vòtes inutils es fòrça grand. Es dire, i a un grand nombre de vòtes que pòdon pas afectar al resultat pr'amor que son estats emeses per qualque partit pichon qu'atenh pas de representacion dins la circonscripcion a ont son estats emeses los vòtes.
Lo sistèma D'Hondt que s'utiliza per repartir los sètis favorís leugièrament los grandes partits, comparat amb d'autras formulas electoralas coma lo sistèma Sainte-Laguë o lo sistèma de Hamilton. Pasmens, l'influéncia del sistèma D'Hondt dins la bipolarizacion del sistèma electoral es pro limitada.
La talha del Congrès dels Deputats es relativament pichona,Colomer, 2004, p. 262 çò que pòt favorir la manca de proporcionalitat e favorir los grands partits.
Mandat Lo mandat dels deputats s'acaba quatre ans après son eleccion o lo jorn de la dissolucion de la cambra, que se pòt debanar al meteis temps o non de la dissolucion del Senat; lo drech de dissolucion aparten al rei d'Espanha, que l'exercís a la demanda del President del Govèrn, après deliberacion del Conselh de Ministres, e jos l'exclusiva responsabilitat d'aquel. Se dissòlv tanben la cambra de forma automatica dins lo cas de legislatura fallida, dos meses après una session d'investidura falhida, dins aquel cas lo Rei dissòlv la cambra amb confirmacion del President del Congrès. Pendent son mandat los Deputats comptan amb una seria de garantidas e privilègis per la realizacion de sas foncions segont establit dins l'Article 71 de la Constitucion.
Organs del Congrès Dins l'exercici de l'autonomia que la Constitucion reconeis dins lo Congrès dels Deputats, la cambra se regís pel Reglament establit per ela en 1982 e que configura una seria d'organs de govèrn per exercir las competéncias correspondentas.
Organs de trabalh vinheta|250x250px|Distribucion de sètis dins lo Congrès dels Deputats. Localizacion de la Taula, del Govèrn e dels grops parlamentaris. Los organs de trabalh del Congrès dels Deputats son lo Plen, las Comissions, la Deputacion Permanenta e los Grops Parlamentaris.
Lo Plen es l'organ central del Congrès dels Deputats, amb que la cambra exercís sa volontat. Es la reünion de totes los membres de la cambra constituida coma cal quand son de presents la mitat mai un dels membras. Aquel organ representa l'unitat de la cambra e fonciona mejans las sessions plenàrias que pòdon èsser de dos tipes: ordinàrias e extraordinàrias.
Las sessions ordinàrias son totas aquelas realizadas dins los dos periòdes de sessions: de setembre en decembre, e de febrièr en junh. Se convòcan segon d'un calendari ja fixat. Las sessions extraordinàrias son aquelas convocadas a la crida del president del Govèrn, de la deputacion permanenta o de la majoritat absoluta dels membres de la cambra. En aquelas se presenta un òrdre del jorn determinat e la session se claus quand se tractan totes los ponchs de l'òrdre del jorn.
Las Comissions son d'organs de trabalh de basa del Congrès. Son compausadas per un nombre proporcional de deputats en foncion de l'importància numérica dels diferents grops parlamentaris dins la cambra.Qué hacen los diputados, 2012. Las comissions se classifican en permanentas e non permanentas, legislativas e non legislativas.
Las Comissions permanentas legislativas estudian e dictan los projèctes e de proposicions de lei.Oñate, 2000, p. 85. Lo Plen del Congrès pòt lor conferir la competéncia legislativa plena en relacion a un afar, que pòdon aprovar o refusar definitivament lo projècte o proposicion de lei en question.Constitucion espanhòla, 1978, art. 75.2. Lo Reglament del Congrès establís 17 Comissions permanentas legislativas.Reglament del Congrès dels Diputats, 1982, art. 46.1. Las Comissions permanentas non legislativas an de foncions non ligadas a la produccion legislativa. Lo Reglament del Congrès establís 3 Comissions permanentas pas legislativas e permet que lo Plen ne crea d'autras a començament de cada legislatura.Oñate, 2000, p. 87 Dins la Legislatura X existiguèron 8 Comissions permanentas non legislatibas.Congrès dels Diputats, 2016.
Las Comissions non permanentas son aquelas creadas amb una intencion especifica e tematica e la durada es fixada per avança pel Plen del Congrès.Oñate, 2000, p. 87 Dins la Legislatura X i q una unica Comission non permanenta.Congrès dels Diputats, 2016.
La Deputacion Permanenta es l'organ de contunhitat que preten que lo poder legislatiu siá de contunh constituit. Sa foncion de gardar los poders de la cambra entre de periòdes de sessions (genièr, julhet e agost) o quand son mandat s'acaba per expiracion o dissolucion. Dins aqueles tres de cases, la Deputacion Permanenta es una prolongación temporala de la cambra.Oñate, 2000, pp. 92 e 93. La Deputacion Permanenta es presidida pel president del Congrès. Es compausada per un nombre proporcional de deputats en foncion de l'importància numérica dels divèrses Grops Parlamentaris. Deu èsser compausada al minim de 21 membres.Constitucion espanhòla, 1978, art. 78.1.
Los Grops Parlamentaris amassan de membres de las cambras que se jonhon segon lor afinitat ideologica o pertenença a un meteis partit politic. Lo Reglament del Congrès establís un minim de 15 deputats per poder formar un grop parlamentari. Pasmens permet tanben que se pòsca formès un grop parlamentari amb de formacions politicas amb un nombre non inferior a cinc deputats e que represente al 15 % dels vòtes emeses dins la circonscripcion que se foguèsse presentat o alara al 5 % de l'ensemble nacional.Reglament del Congrès dels Diputats, 1982, art. 23.1. La constitucion dels grops parlamentaris se realiza al començament de cada legislatura.Reglament del Congrès dels Deputats, 1982, art. 24.1 Los deputats que s'inscrivon pas coma de membres de cap grop parlamentari fan alara partit del Grop Mixte.Reglament del Congrès dels Deputats, 1982, art. 25.1
Organs de direccion e administracion Lo President del Congrès dels Deputats ten la representacion de la cambra e es causit pel Plen per la tota la legislatura. Presidís totes los autres organs colegials del Congrès e las reünions jonchas de las ambedoas cambras de las Corts Generalas.