Niòns (Nyons en francés) es una comuna occitana del Dalfinat situaa dins lo departament de Droma e la region d'Auvèrnhe-Ròse-Aups, ancianament de Ròse-Alps. Es la vila principala de las Baroniás Daufinencas.
Toponimia Lo nom de Niòns se pronóncia [ˈɲɔⁿ] dins lo parlar vivaroalpenc local: aquò es la pronóncia atestaa dins lAtlas linguistique de la France de J. Gilliéron e E. Edmont (1902, París: Champion, carta II). Per i representar la pronóncia [ˈɲɔⁿ], los autors escrivon exactament «n̮õ» segon l'anciana notacion fonetica de Rosselòt.
En occitan ancian se disiá Niòns o Niòms amb una assimilacion medievala de n-m vèrs n-n (çò que se mòstra indirèctament en latin medieval occitanizat, dins las formas atestaas Nionis o Niomis o Niomes; vej. Dictionnaire topographique du département de la Drôme, p. 248). Lo nom remonta al latin classic Noviómagus, que ven del cèlta Noviómagos «novèl champ, novèl mercat» (segon A. Dauzat e Ch. Rostaing, 1963 , Dictionnaire étymologique des noms de lieux en France, p. 502). Al costat de la forma locala Niòns''' [ˈɲɔⁿ], i a tanben una varianta non locala de tipe «Nions» que se pronóncia [ˈnjuⁿ] o [ˈɲuⁿ]: aquela varianta non locala s'escriu variablament «Nions» o «Niom» dins de publicacions en grafia classica, e tanben s'escriu «Nioun» en grafia mistralenca (dins Lo Tresaur dau Felibritge de Mistral), e mai s'escriu «Gnoun» dins de publicacions anterioras a Mistral (per exemple dins JJ Castor, 1843, L'Interprète provençal'', Ate: Imprimerie Louis Clauzel, p. 184).
Geografia Situat a las cofinhas dels Alps del Dalfinat e de las Baroniás a una quarentena de quilomètres, a l'èst de la val de Ròse (Pèiralata), Niòns es una pichona vila localizaa dins una comba, al ras del riu d'Éguer, afluent de Ròse.
Istòria
Administracion
Demografia
Luòcs e monuments
Personalitats liaas amb la comuna
Vejatz tanben Comunas de Droma
Liams extèrnes
Nòtas
Categoria:Comuna de Droma Categoria:Comuna occitana dau Daufinat Categoria:Comuna de las Baroniás Daufinencas