Ribagòrça (en catalan: Ribargorça; en aragonés e espanhòl: Ribagorza) es una comarca de la comunautat autonòma d'Aragon. Graus e Benavarri ne son las capitalas. Las lengas localas autoctònas son lo catalan e l'aragonés, ambe de parlars de transicion de mal classificar (benasqués).
Fa pas tot lo territòri de Ribagòrça istorica o geografica perqué i cal apondre en la comunautat de Catalonha la comarca d'Auta Ribagòrça, Terreta (mai que mai compresa en la comuna de Tremp), Alsamora (en la comuna de Sant Esteve de la Sarga), e autres lòcs que son ara administrativament en Palhars Jusan.
La Ribagòrça aragonesa es sovent nomenada Baixa Ribagorça en catalan, per oposicion ambe la comarca catalana d'Auta Ribagòrça, dont la capitala es El Pont de Suert. Es un nom qu'a pas res d'oficial. Pels geografes e lingüistas, la Bassa Ribagòrça pòt tanben designar d'un biais comòde la partida meridionala de la Ribagòrça d'administracion aragonesa e de la d'administracion catalana; los critèris son una altitud mens nauta e, lingüisticament, de caractèrs coma mai que mai la milhora conservacion de [ɛ] tonic, sense barradura en [e] coma dins la majoritat del catalan (quand se parla de lenga, se tracta de segur de la partida de lenga catalana o de transicion entre'l catalan e l'aragonés).
Comunas de Ribargòrça ComunaPopulacionExtensionDensitat (ab./m2)Areny de Noguera3061192,57Benasc2.362233,210,13Benavarri1.137157,17,24Beranui6964,011,08Bissaürri17963,292,83Bonansa8637,32,31Campo48323,0321,13Capella35160,75,78Castigaleu8726,53,28Castilló de Sos86831,627,51Estopanyà13688,71,53Foradada del Toscar, la169106,581,59Gia9425,953,6Graus3.380300,411,27Lasquarri13531,94,24Monesma i Caixigar6962,61,1Montanui227174,21,3Paüls, les25181,73,07Pobla de Castre, la42729,5414,53Isàvena237118,82Perarrua11230,13,73Pont de Montanyana, el9548,21,96Santa Llestra i Sant Quilis8323,423,56Saünc31973,34,35Secastiella 14947,43,14Seira14669,42,1Sessué116523,2Sopeira8444,11,91Tolba13259,142,24Tor-la-ribera100323,12Valle de Bardaixín5545,571,21Vall de Lierp, la5832,411,77Viacamp i Lliterà41107,70,38Vilanova d'Éssera170724,12Total12.7132461,46,03