thumb|250px|Mireia Boya en 2016 a Barcelona Mireia Boya Busquet (Sant Gaudenç, 26 de junhsèga de 1979) ei ua professora e politiciana aranesa. Ensenhaira en geografia umana ara Universitat Pompeu Fabra de Barcelona, fondèc er’ANC ena Val d’Aran. En mai de 2015 se presentèc as eleccions der ajuntament de Les ena lista deth navèth partit Corròp e siguec elejuda cònsol major. En seteme ei candidata de la CUP en segona posicion de lista dera circonscripcion de Lhèida as eleccions deth Parlament de Catalonha"Una occitanista aranesa candidata al Parlament de Catalonha per la CUP", Jornalet, 31 de julhet de 2015.. Siguèc pas elejuda, totun eth deputat dera CUP Ramon Usall demissionèc"L’occitanista Mireia Boya pòt venir deputada al Parlament de Catalonha e Aran", Jornalet, 21 de decembre de 2015. e deuré préner era sua plaça en gèr de 2016. Ei tanben fondadora e actuau presidenta dera associacion Hemnes de Les.
Ei era hilha dera sindica Pilar Busquet e era sòr der istorian Jusèp Boya.
Biografia Mireia Boya nasquèc en 1979 en Sant Gaudenç dens ua familha originària de Guilhamuc de Les. Estudièc ena Universitat Autonòma de Barcelona on se licencièc en sciéncies environamentales, mastèr en gestion e organizacion deth territòri. Obtenguèc posteriorament, en 2009, eth sòn doctorat en concepcion environamentau ena Universitat de Montreal. Estudièc durant un temps era gestion deth territòri des isles São Tomé e Príncipe.
Ei consultanta environamentau e professora de geografia umana ara Universitat Pompeu Fabra. Referéncies
Ligams extèrnes Mireia Boya sus Twitter.
Categoria:Naissença en 1979 Categoria:Personalitat aranesa Categoria:Politician occitan Categoria:Deputat del Parlament de Catalonha de l'XI legislatura