Leis Apaches son un ensems de tribüs indianas d'America dau Nòrd que vivián dins lo sud-oèst deis Estats Units d'America e dins lo nòrd dau Mexic. Lei Navahos fan partida deis Apaches mai son de còp considerats coma un pòble separat — mai fòrça pròche — en causa de son importància demografica. Nomadas e caçaires installats dins una region semi-arida, leis Apaches menavan d'incursions recurrentas còntra lei pòbles sedentaris dau sud coma lei Pueblos e s'opausèron per la seguida ai colons espanhòus e estatsunidencs. Pasmens, foguèron vencuts dins lo corrent de la fin dau sègle XIX e obligats de migrar vèrs de resèrvas indianas. A l'ora d'ara, son subretot installats dins de resèrvas d'Arizòna e de Nòu Mexic. De minoritats importantas existisson tanben dins leis estats d'Oklahoma e de Tèxas.
Liames intèrnes
Geronimo, cap apache famós de la fin dau sègle XIX.
Bibliografia
Nòtas e referéncias
Categoria:Pòble indigèna d'America del Nòrd